حبيبتي تشرب علـى الريـق ببسـي
واليا تعشّـت ماكلـت غيـر كتكـات
حبيبتي حطّت علـى العيـن ورْسـي
وماتلبس الا من جديـد الموديـلات
نحيفة(ن) عـن كـل عـذرا تنّسـي
في حسنها قـد كلْبشتْنـي كلبشـات
احبهـا بـس الـعـرب ماتحـسّـي
والله يعيـن المبتلـي بالقصيرات
ياونتّـي ونّـات ســوّاق تكـسـي
زل النهـار وماحصـل لـه ريـالات
والا مريض(ن) علّتـه شـي نفسـي
مافاد بـه كـي العـرب والقـراءات
لاشفتها كنّـي مصـاب(ن) ابمسّـي
مثل المهبّل قمـت اقطّـع إشـارات
وليا حكت كنّي عن النـاس خرسـي
أطرش .. خرس .. لو داسته تريلات
فيها حلا الأسبان وعطـر الفرنسـي
وفيها دلـع لبنـان وعـز الإمـارات
حلوه مثل طعم الكـرز والجالكسـي
مخلوط بالسكّر معه خمـس تمـرات
لوما تزوج (عجرم) وجاب (نانسـي)
يحق لـي أتـزوج ( أبـلا عطيّـات)
لاقلت : شكراً ، قالت البنت : مرسي
بنت الأفندي ناظـرت لـي بغمـزات
يجلدني الاستـاذ لااهملـت درسـي
مايـدري أنـي واقـع(ن) بالبنيّـات
ابكي واقول ان البلا كـان ضرسـي
يااستـاذ تكفـى لاتنقّـص علامـات
انا وقعت اليوم مـن فـوق كرسـي
ولاحصل لي مـن حبيبـي زيـارات
قالت: أنا ليلى ، وبسمّيـك : قيسـي
عطني شعر واعطيك ضحكه وبسمات
قالت: تجي لابـوي ثـمّ(ن) تمسّـي
بس المهر تاقـف عليّـا خفـارات!
قلت: اسمحي لي واعلني بـالـ mbc
تلقيـن غيـري يابنـيّـه حـثـالات
يشهد على ماقـول بيتـر وعبسـي
ونحّول ونامق بالرسـم والمتحراكـات
اليا حضرتوا يالربـع يـوم عرسـي
عانيّتـي منكـم كراتيـن كتـكـات
تقبلوني
08-22-2008, 06:54 PM
حـبـيبتي تشرب على الــريق { .. بيبسي
المواضيع المتشابهه
العرض العادي
