بسم الله الرحمن الرحيم
السلام عليكم ورحمة الله وبركاته
اكاذيب الشباب على البنات
************************************************** ******************
- حبيبتي تدرين والله ما عندي حركات الشباب ....ما اكلم بنات!..... اصلا ما احب هالحركات !...
(( باين وانت كل بنات العالم يعرفونك ))
2- ما ادري حبيبتي احس اني اعرفك من زماااااااان !
(( لا يمكن غلطان بين وحدة كنت تعرفها قبل ... يمكن في شبه ))
3- حبيبتي والله احس انه في اشياء كثيرة انا وانتي نتشابه فيها ... كاننا شخص واحد
(( سبحان الله اخوها في الاسلام لازم يكون في شبه ))
4- حبيبتي احس انك غير عن كل البنات !...احس انك مختلفة وغير عنهم ..!
(( ليش فوق راسها ريشة ولا من كوكب ثاني ))
5- يا ليتني يا قلبي عرفتك من زمان..!
(( معليش كان عندك زحمة ))
6- حبيبتي انتي تامرين على قلبي امر ... كل اللي تقولينه لبيه ..!
(( هيه في الاحلام اكيد ))
7- حياتي ابيك تتغطين عشان محد يشوفك ...لاني اغااااااار ..!
(( يا حراااام الغيرة حرقت قلبك حرق ))
8- بجي اخطبك من اهلك بعد ما اكون نفسي ..!
((اجل من تكون هههه بس صج تكسر الخاطر فلوسك كلها على المبايلو السيارة وعزايم اصحابك))
9-يا قلبي ابغي اشوفك في اقرب وقت ... ما اقدر على الشوق اللي ذابحني ...!
(( يبي اصحابه يتاكدون انها حلوة ))
10- انا احب الشعر ومن هواياتي الرسم والسباحة ...!
(( لا رومنسي الحبيب ))
11- حبيبتي حطي في بالك انا اذا حبيت حبيت من قلبي ...!
(( اقول بس اي قلب فيهم ؟؟..))
12- علاقتي فيك محد يدري فيها ابد لانها من اهم خصوصياتي ...!
(( بس عاد كل اصحابة يدرون ...لانهم مو اي احد ))
13- شكلي حبيبتي راح اطق لي جاكوار من الوكالة ...!
(( اذا مو هوندا مديل 76 من الحراج ))
14- احتمال اروح سويسرا الصيف الياي ...!
(( ايه هين ))
15- دايم اشتري عطوراتي من تناغرا ...!
(( الحمد لله والشكر ))
16- لما اشوف رقمك في موبايلي قلبي يفز من مكانة ...!
(( اكيد خايف تكون كشفت ملاعيبك ))
17-فلان قال لي اعطيه رقمك ... بس انا قلت له اقتلني قبل لا تاخذ رقمها مني ...! (( ههههه يا مضحي انت يا شجاع ..... هذا اذا مو كل الشباب يعرفون رقمها مسكينة ))
18- حبيبتي ابغي صورتك علشان قبل لا انام اتاملك واحلم فيك ....!
(( وانت الصادق علشان لما تمل منها تهددها ))
19- اسف حبيبتي امس ما اتصلت فيك كنت مشغوووول مع الدراسة ...!
(( باين يا نيوتن انتااااااااااا))
20- تدرين حبيبتي دايم البنات في السنتر يطلبون رقمي .... بس انا ما اعطيهم وجه دام انتي حبي ...!
(( الترتيب الصحيح للجملة ... دايم انا الحق البنات بس ما يعطوني وجه ))
21- والله حبيبتي كان ودي اجي ع الموعد اليوم بس صارت ظروف صعبة جدااا وما اقدر اجيك ...!
(( ايه صح تذكر موعد مه ربيعته الثانية اللي واعدها 10 مرات وخلف وعده ))
22- امس ما نمت طول الوقت افكر فيك ..... اخذتي عقلي حبيبتي ...!
(( لا صدقت نمت وحلمت وشبعت نوم ولا داري عنها اصلاااااا))
23- انتي احلى بنت شفتها في حياتي ما اضن القى احلا منك ...!
(( ليش متعرف على ملكة جمال الكون وحنا ما ندري ؟..))
24- الظاهر بشتري كمبيوتر جديد ...كمبيوتري صار له شهرين معاي وكمبيوتر اخوي مايعجبني والكمبيوتر الثاني ما اتاقلم معاه ..!
(( ما شاء الله وكالة كمبيوترات ...اراهن بعمري اذا ما كان كمبيوترك قديم من العصر الجاهلي كل ماخترب صلحته ))
25- ما افتح المسنجر الا اذا كنتي موجودة ...اصلا النك بدونك ما يسوى ...!
(( يقصد ...ما افك عنك البلوك الا بعد ربع ساعة من تدخلين ... ترى النت بدون البنات ما يسوي ))
تــــــــــحياتي
مذهله منقول
طبعا مو كل الشباب ههههههههه خايفه البنت
__________________
مُذهلة ..
تملأك بالأسئلة ..
هي ممكنة والا محال ..؟!
هي أمر واقع .. أو خيال ؟!
هو سهلها صعب المنال .. ؟
أو صعبها تستسهله !
مُذهلة ..
تملأك بالأسئلة ..
ليه كل معجز مر هذا الكون .. فيها له صلة ؟؟
ليه كل شي فيها تظن انك تعرفه .. تجهله !؟
ليه كل (لا معقول) فيها ورغم هذا تعقله !؟
طيبها .. قسوة جفاها ..
ضحكها .. هيبة بكاها ..
روحها .. حدة ذكاها ..
تملأك بالأسئلة ..
مُذهلة ..
يا أجمل من الأخيلة ..
هذا جواب الأسئلة ..
كي تكوني من حنيني ..
وبس فيني .. ومو بدوني مُذهلة
01-14-2008, 08:44 PM
اكاذيب الشباب على البنات
المواضيع المتشابهه
العرض العادي
