توّك صغيرهـ وابتديتي تحبين من علّمك ليل السهر ياصغيرهـ ؟
بدري عليك العشق يابنت هاللحين حرام هذا القلب وشهو مصيرهـ ؟
انتي بريئهـ في الهوا ليهـ تشقين ؟ دروبهـ طوال ٍ عليك وعسيرهـ
رحتي بدرب ٍ مالهـ اصلا ً عناوين وانتي مشاويرك من اول قصيرهـ
ياطفلة ٍ حبّت وراحت على وين ؟عقب الهنا ذقتي الحياهـ المريرهـ
وينك ووين الحب والشوق والبين ؟ عنّيتي عيونك وصرتي سهيرهـ
امحق تسلّي كان ودّك تسلّين الورد لولا اللّون وشهو عبيرهـ ؟
وصرتي بعد من غير هذا تغارين والمشكلهـ يابنت منتي خبيرهـ
نصيحتي لك كان ودّك تردين يم السعادهـ والحياهـ المثيرهـ
خلّك بجو العايله لا تعدّين أمك وأبوك والعجوز الظريرهـ
شيبانك اللّي مايبونك تعانين من بينهم عشتي كأنـّـك أميرهـ
الحب قبلك هز ناس ٍ كثيرين وخلاّ القلوب تعيش هم ٍ وحيرهـ
الحب يفضح لا انكشف داخل العين وانتي بنفــّسك ماهقيتك بصيرهـ
طيعي كلامي واحذري لا تمادين تراجعي لاعل في الأمر خيرهـ
__________________
مُذهلة ..
تملأك بالأسئلة ..
هي ممكنة والا محال ..؟!
هي أمر واقع .. أو خيال ؟!
هو سهلها صعب المنال .. ؟
أو صعبها تستسهله !
مُذهلة ..
تملأك بالأسئلة ..
ليه كل معجز مر هذا الكون .. فيها له صلة ؟؟
ليه كل شي فيها تظن انك تعرفه .. تجهله !؟
ليه كل (لا معقول) فيها ورغم هذا تعقله !؟
طيبها .. قسوة جفاها ..
ضحكها .. هيبة بكاها ..
روحها .. حدة ذكاها ..
تملأك بالأسئلة ..
مُذهلة ..
يا أجمل من الأخيلة ..
هذا جواب الأسئلة ..
كي تكوني من حنيني ..
وبس فيني .. ومو بدوني مُذهلة
08-11-2008, 06:46 AM
صغيرهـ وابتديتي تحبين
العرض العادي
