ودي أسمع صوتك اللي لاسمعته ..
من عميق الحزن للفرحة خذاني ..!!
ودي أسمع صوتك اللي من فقدته ..
صرت فاقد كل حاجة في زماني..!

عندك أمل إني مع الوقت
بـ أنساك
وعندي أمل
إنك بترجع.. مع الوقت!

عدّى شهر من بعـد ليلـة غيابـك
ولالقيـت لغيبتـك أي تفسـيـر
من هو مزعّل بس حضـرة جنابـك
إن كان أنا.. جمّعت كل المعاذيـر
خذي معاذيـري وهاتـي عتابـك
مع إنّ منّـي ماحصـل أي تقصيـر
خليّني أبكي بس عيشـي شبابـك
خليّني أبكي دمّ عادي وش يصيـر ؟
مشتاق لك .. مشتاق حتى لعذابك
ياللي وصالك غير ومفارقـك غيـر
عدّى شهر من بعـد ليلـة غيابـك
ولا لقيـت لغيبتـك أيّ تفسـيـر

أنت الذي لاغبت عني :
دقيقه!
أصيح بـ أعلى الصوت وآقول:
مشتااااااااق
أنت الغلا وغيرك عساه
بـ حريقه!
وأنت الذي غيبتك ماهيب تنطاق
يشتاق لك
بيتك
وأنا
والحديقه
والكل منّا للوصل
صار توّاااق ..

أفكر أقطع علاقاتي مع العالم
دامك معي أنت تكفيني عن الدنيا

ماقدرت أستوعب فراقك!
غيبتك ماهي بمعقوله..

ماهو على كيفي أنسى لو بغيت أنسى
لو إنـّي أقدر على النسيان ماجيتك
وماهو على كيفي أقسى لو بغيت أقسى
لو إنّ قلبي حجر ماكان حبيّـتك

مبطي إذا كنت آتضايق أجي لك
الحين أروح لمين لامن تضايقت؟!
مبطي إذا أشتقت لك جيت أشتكي لك
الحين أروح لمين لامنّي أشتقت!

مابي سوى شيّ واحد منك يالغالي
أرسل رسالة وطمنـّي عن احوالك
ماتدري إني أضيق وينشغل بالي
لاغبت عني زمن أو غاب مرسالك
من كثر ماشوف طيفك دايم قبالي
ومن كثر ماني أحبك وأعشق وصالك :
ماعاد باقي رسالة وسط جوالي
إلا هي الحين موجودة في جوالك