مشاركتي كبدايه راح تكون متواضعه .. وهي مجموعه من الاطباق اللي احبها ومن اطباقي المفضله... واتمنى تحوز على رضاكم واستحسانكم ... نبدأ بسم الله
حبيت اشارككم بطرية عمل الحمر (بضم الحاء والميم) او التمر الهندي يصير بعلبه بالثلاجه ووقت ما تحبي تاخذي منه شوي اتمنى انكم تجربونه وتعطوني رأيكم ....
المقادير :
تمر هندي ..
كزبره .. ثوم ... فلفل اخضر حار ... ليمون ...ملح
طريقة العمل :
بنقع التمر الهندي في كميه من الماء حتى يلين ... يضرب في الخلاط ويصفى من البذور والقشور ..
نأخذ اللي صفى معانا ويكون ثقيل شوي ونرجعه للخلاط ونحط الكزبره والثوم والفلفل والليمون والملح
ونخلطها ... راح نحصل على صوص لذيذ ... يأكل مع الرز او الفطاير براحتك ...
ملاحظه بالنسبه للكميات اختياريه اذا تحبين يكون حار كثري من الفلفل .... اذا تحبين طعم الثوم واضح كثري منه
انصحك تكثرين من الكزبره لانها تعطي طعم لذيذ ..
انا شخصيا احب اكله مع كل شي
احفظيها في علبه في الثلاجه ومتى ما حبيتي استخدميها ...لذيذه مع السمك ومع المشويات كمان .. حتى بعض المطاعم تقدمه مع السمك ...
اتمنى منكم تجربونها لانها تستحق التجربه
****************************** ********
صدور الدجاج بالصوص الابيض...
المقادير :
4صدور دجاج .. 1 قشطة الخفق .. 1مكعب مرق الدجاج .. ملعقه خل .. نصف كوب عصير تفاح .. زبده .. زيت .. الثلاثي المرح(ملح وفلفل وكمون )
طريقة العمل :
*تتبل صدور الدجاج لمدة ساعه بالملح والفلفل والكمون....
* تذوب الزبده ويضاف اليها الزيت ... وتحمر قطع الدجاج ..
*يضاف الخل وعصير التفاح و مرق الدجاج( بعد اذابة المكعب في كوب من الماء) الى الدجاج وتترك على نار هادئه حتى يستوي الدجاج ...
* تضاف قشطة الخفق وتترك على النار لمدة 5 دقائق قبل التقديم..
تقدم مع الرز الابيض و بالعافيه...
**************************
الحلا ( حلا المنجا )
الطبقه الاولى :: كيك بالفانيلا جاهز مقطع الى شرائح متساويه ونرصه في الصينيه..
الطبقه الثانيه:: في الخلاط<< 10 حبات كيري + 2/1 كوب عصير منجا + 2 كيس دريم ويب + فنجان سكر + علبة قشطه>> وتصب على الطبقه الاولى وتوضع في الفريزر ....
الطبقه الثالثه :: 2كوب من عصير المنجا + 3 ملاعق تقريبا من النشا توضع على النار حتى يثقل العصير وتترك لتبرد وتصب على الطبقه الثانيه ..
. وتوضع في الثلاجه حتى تتماسك ... وتؤكل باارده ... وبالعافيه
***************************
اتمنى منكم تجربون هالاكلات المنوعه وتعطوني رأيكم ....
08-02-2008, 05:43 AM
أطباق منوعه ولذيذه تعالوا وجربوا
رد: أطباق منوعه ولذيذه تعالوا وجربوا
العرض العادي
