.
.
.°. عـَلـَى طـَارِي صَبـَاحَ الـَوَرْد ِ .°.
على طاري صباح الورد, وإسمك, والحـلا والـذوق
.. ذكرتك يـا أجمـل أحلامـي , بقافـي واستهليتـه
على درب القصيد أسوق , قلبي والخطـاوي شـوق
.. وإذا مالت بـي الخطـوة , علـى دربـك تناسيتـه
يهز الشـوق بأعماقـي , عناقيـد الغـرام اعـذوق
.. ويقطف بالغلا فيني , غـرامـ(ن) خنـت واخفيتـه
أحبك كثر ما يشعل , غرامك فـي حشـاي احـروق
.. واشبٌه زود لو يحرق , اضلوعي مـت ، مـا اطفيتـه
أحبك دمعتـ(ن) طاحت , على خد الصباح اشـروق
.. يموت النور لـو طاحـت , علـى كفـي وضميتـه
أحبك , إيه أحب إسمك ، وأمـوت بجيـدك المنتـوق
.. و تخيل كثـر مـا أكـره ، صـدودك , قمـت حبيتـه
تموت من البطا غيمه , طعنها مـن جفـاك ابـروق
.. وغشى روض الحشا وسمي , جفافك وإنت ما ارويته
رحلت , وما بقى منك سواك إنت , و عنـا مفهـوق
.. عنـا ذاك الربيـع اللـي , غشانـي مـا تمنّيـتـه
تعال , إجرح على كيفك , تربـع واستحـل عـروق
.. تدلـل والبسـاط أحمـد , وأنـا لرضـاك مديـتـه
قم إسهج لآخر ضلوعـي , تغلغـل داخلـي برفـوق
.. حلالك ما بقى منـّي , مـع اللـي لأجلـك أفنيتـه
من اللي من غديت أجمل ، قصيده ما غـدا لـه ذوق
.. ومن ذا اللي كتـب باسمـك ، قصيـده وانكسـر بيتـه
وربي , من كتبت إسمـك ، وبروزتـه بقلبـي فـوق
.. وأنـا مـا دار فـي بالـي , قصيـد(ن) مـا تحاليتـه
دخيل الدمعتين اللي, غـدت منهـا الخـدود اشقـوق
.. ترفق سامحك ربي , علـى قلـب(ن) لـك أهديتـه
إذا لك حق في قلبي , فأنا لي فـي غـلاك احقـوق
.. و حقوق الشوق محفوظـة , وحـدّي مـا تعديتـه
تعبت كذب على نفسي ، وأقول ان الطرد ملحوق
.. ولاني طايل ٍحبـّك ، ولا الله عان ونسيته
يذكرني صباح الورد , وإسمـك , والحـلا والـذوق
.. وأردد يا ( أجمـل أحلامـي ) ابقافـي يـوم هليتـه
الـشـَّاعـِرُ/
جميـل بن زريـع
08-01-2008, 11:34 PM
على طاري [ صباح الورد]
رد: على طاري [ صباح الورد]
العرض العادي