::
::
::
لو كانت الشكوى تفيد المحازيـن
محد ٍ بيشكي فالمخاليـق قـدي
ولو كانت الدمعه تـرد المقفّيـن
كانت دموعي علّمت فوق خـدي
مطعونة ٍ بين الحنايـا سكاكيـن
وخمسة خناجر مستقره بكبـدي
مير الوجع خليه بالصدر تكفيـن
جرحٍ مثل سالف جروحي يعـدي
ماودي أشرح فالتفاصيل ذا الحين
وماودي آخذ في حكي جرح وأدي
لاتتعبين النفس بالجيم والسيـن
وإن شفتي إدموعي لها لاتلـدي
أخبرك لجلي كل شـي ٍ تسويـن
وتفديني بروحـك إذا بـه تفـدّي
بس الشكـا لله رب المساكيـن
اللي أبت إيـدي لغيـره تمـدي
اللي معي في عسر وقتي وفاللين
اللـي عطانـي نعمـة ماتعـدي
أهل وحبايب والرفيقـات غاليـن
وآلاقـي اللـي ماأبيـه وأودي
وأنعم علي الله بالعلـم والزيـن
شيخه من شياخة ابويا وجـدي
أحيان اقول الهم وينه وأنا ويـن
لاصار جرحي في نزيفه مهـدي
وأحيان أقول الهم عندي ملاييـن
لاضاقت الدنيا ووصلـت حـدي
"ياربي" إتسخر حبيبٍ معي شيـن
كن لي معه ثار ٍ قديم وتحدي !!
"ياربي" أطلبك الفـرج لاتخليـن
والثالثه "ياآآآآرب" ماهي تـرَدي
ياغاليه مابـي عليـا تخافيـن
يكفي أحس انك قريبـه وحـدي
بس الشكاوي ماتفيد المحازيـن
مافي يدينك شي ماهـو فيـدي
::
ممـٌـا تصٌفَح ْـــتٌ
::
__________________
مُذهلة ..
تملأك بالأسئلة ..
هي ممكنة والا محال ..؟!
هي أمر واقع .. أو خيال ؟!
هو سهلها صعب المنال .. ؟
أو صعبها تستسهله !
مُذهلة ..
تملأك بالأسئلة ..
ليه كل معجز مر هذا الكون .. فيها له صلة ؟؟
ليه كل شي فيها تظن انك تعرفه .. تجهله !؟
ليه كل (لا معقول) فيها ورغم هذا تعقله !؟
طيبها .. قسوة جفاها ..
ضحكها .. هيبة بكاها ..
روحها .. حدة ذكاها ..
تملأك بالأسئلة ..
مُذهلة ..
يا أجمل من الأخيلة ..
هذا جواب الأسئلة ..
كي تكوني من حنيني ..
وبس فيني .. ومو بدوني مُذهلة
07-27-2008, 05:37 AM
ّْالشٌكــوِّىَ للْـــهٌ .ّْْ
العرض العادي
