|
|
01-11-2008, 06:42 PM
|
رقم المشاركة : 1 | ||||||||||||||
     
|
قصه سواها قلبي للكاتبه جوهرة المملكه
بسم الله الرحمن الرحيم
قصه سعوديه روعه سواه قلبي للكاتبه جوهرة المملكه هذه قصه سعوديه من عدة اجزاء وحبيت احط الجزء الاول واشوف التفاعل وبعدين اكمل الباقي اول شي تعريف بشخصيات القصه :: 1* ابو عبدالله :: الجد سلطان . لا يمكنكم مشاهده باقي المشاركة لأنك زائر ... فإذا كنت مشترك مسبقا معنا فقم بتسجيل دخول بعضويتك للمتابعة وإذا لم تكن فيمكنك تسجيل عضوية جديدة مجانا ً __________________
للمشاركه في قسم اسرار البنات يرجى مراسلتي برساله خاصه والقسم للبنات فقط
|
||||||||||||||
|
|
01-28-2008, 07:46 PM
|
رقم المشاركة : 2 | |||||||||
|
رد: قصه سواها قلبي للكاتبه جوهرة المملكه
يعطيك العافية يا ذكرى على البارت الرائع وياليت تكملين القصة تقبلي مروري |
|||||||||
|
|
|
01-29-2008, 02:32 AM
|
رقم المشاركة : 3 | ||||||||||||||
|
رد: قصه سواها قلبي للكاتبه جوهرة المملكه
البـــــــــــــارت الثاني :: (( 2 )) :: ** ** (( وحشتني سواليفك .. وحشت شوفتك اكثـــــررر .. كل ليله مع طيفك .. حبيب الروح انا اتحسر اتحســـرررر .. )) ** ** ** ** بغرفتها الكمبيوتر مفتووووح وهي جالسه قدامه على الكرسي وسرحااااانه بعالم الصور اللي قدامهاااا .. ومع كل صورى ذكررررى .. لحد ماوصلت لاخر صوره صورته وهو مسافر مع اخوها قبل سنه ونص ببريطانيا اخذتها من غير علم اخوها هاذي اخر صوره له عندهاااا كانت تحس بشووووق وبلهففه له كانت تبي باي طريقه تشوفه قبل كم يوم بالعزيمه لاكنه ماكن معطيها اي اهتمام ولاحاس بوجودها ولاقدرت تركز بملامحه اللي تغيرت كثيير عن هالصووره .. تنهدت وهي تقفل الفايل الخاص بصوره وتقفل الكمبيوتر وتوجهت للسريرها وهي ترمي ثقل جسمها كله عليه وتفكيرها مازال يبحر بنفس الدوامه دوامته هو اللي سرق افكاررها من كانت صغيرره سرق افكارها من حوالي ست او سبع سنين هي نفسها ماتتذكر متى بدى يملك مشاعرها ويستحل قلبها ويدخل افكارررها .. قطع تفكيرها رنين جوالها شافت الاسم وابتسمت :: كيف اقدر اشيلك من بالي وكل شي حولي يذكرني فيك باصرارررر .. ردت وبصوت ناعم هايمممم :: هلا والله .. وصلها صوت الطرف الثاني حمااااسي :: هلا وغلالالالا بكل الغلالالا اخبارك ياقلبي ؟؟!!.. ملاك وهي تقلب جسمها للجنب وتتنهد :: بخير انتي اخبارك حبيبتي ؟؟!!.. جنى :: عال العال اقوول حبيت اقولك ان حنا متفقين بروحتنا للمزرعه نرجع الايام الخوالي ها عاد لااوصيك ؟؟!!.. ملاك وهي تجلس على حيلها وبدى كل تفكيرها عن معذبها يتلاشى وبحماس :: ايه والله مشتاقيــــــــــن لذيك الايام حيـــــل ياهي أيام تجنن تجنن .. جنى :: هههه اوكي اجل جهزي حالك واللي عليك راح يوصلك بمسج من ساره لانها الراس المدبر كالعاده .. واكيد ربى خبرت روان ونفس الشي بيوصلها بمسج اوكي ؟؟!!.. ملاك :: اووووكي .. جنى :: يالله سيوو .. ملاك :: بيباي .. قفلت منها وهي تقوم بتروح تشوف اختها وصلها شي والا لا .. دخلت غرفتها لقتها فاضيه نزلت للصاله تحت لقتها جالسه ومتكتفه وزعلالالانه وبالجهه الثانيه رائد معطيها ظهره ويطالع فيلم بالتلفزيون ومتكي على الكنب والريموت بيده .. ملاك :: السلام .. رائد رفع عينه طالعها ثم رجع للتلفزيون :: وعليكم السلام .. ملاك وهي تطالع حالة روان :: وش فيك ؟؟!!.. روان :: يعني ماتدرين مابلغوك البنات ؟؟!!.. ملاك باستغراب :: عن ؟؟!!.. روان :: عن تجهيزاتنا لطلعة المرزعه ؟؟!!.. ملاك وهي تجلس على اقرب كنبه :: ايه قالوا لي بس وش مزعلك انتي ؟؟!!.. روان تاشر على رائد بنرفزه :: اقوله السواق مع امي ودني للسبور ماركت اجيب الاغراض اللي قالوا لي عليها يقووول مو فاضي .. ملاك وهي تطالع رائد وبتساؤل :: وش عندك رائد ماتوديها ؟؟!!.. رائد بملل وعينه على التلفزيون :: مالي خلق دوروا غيري .. بهاللحظات وصل مسج لملاك فتحته لقته من ساره وكاتبه لها كذا شي مو عندها بعد تجيبهم من السوبر ماركت .. ملاك بنظرات ترجي لرائد ::بليززززززززز رائدددددد بتودينا ؟؟!!.. رائد بطفش :: ياربيييييييه خلاص اقلقتوني ربع ساعه على بال مايخلص الفيلم ان مالقيتكم مخلصين بروح واتركم ؟؟!!.. ملاك وران وهم موقفين :: لا بنجهز قبلها بعد .. طلعوا ركض يلبسون وهو هز راسه مبتسم عليهم :: ماصدقوووا بس يالله باوديهم وش وراي منها اسلي عمري شوووي بدل هالطفش اللي صايبني اليوووم .. ** ** ** ** ** ** وصلوا اخيرررا لسبور ماركت وهالسبور ماركت كان تابع لسوق .. رائد :: يالله بسرعه لاتاخرون ؟؟!!.. ملاك :: من عيوني نص ساعه بس .. رائد :: بروح الف شوي اشوف كم غرض اخذهم للشباب علشان المزرعه وارجع القاكم خلصتوا .. روان :: اعتمد .. راح وهوو يلف على السوبر ماركت وبقدامه عربيته يدفهااا وبدى يختار من الرفوف اشياء يتسلون فيها الشباب مو مثل اخر مره انذلووا للبنات يعطونهم شي لاكنهم رفضوووووا .. بالجهه الثانيه كان في ثلاث بنااات معطينه ظهورهم ومعاهم خدماتين حبشيات وسواق حبشي بعد يدف العربيه وهم تايهين بالرفوف يختارون .. طالعهم لاكن ماعطاهم اي اهتمام وكمل وهو مندمج ثواني وتخبط فيه وحده منهم وهي معطيته ظهرها لاهي انتبهت ولا هو .. لفتت مخترعه وطالعته وانصدمت اكثررر وبصوت اشبه للهمس :: سورري .. طالعها بعدم اهمتام :: لا عادي .. رجعت وهي تجر فشيلتها معها وصلت لخواتها .. اللي مو بعدين بس نفس الشي معطينه ظهورهم .. ربى :: وش فيك ؟؟!!.. جنى :: خبطت برائد ولد عمي وانا مدرري واشوى ماعرفين ؟؟!!.. شذى اللي لابسه عبايه بس الطرحه على كتوفها وبعدم مبلاة :: بسيطه بيعرفكم مني ناسيه اني ماتغطى وهو قبل كم يوم ببيتنا شافني .. جنى :: تغطي اجل مالي خلق فشايلللل .. شذى بغرور :: محد قالك ماتنتبهين بطريقك .. جنى بنظرات حقد :: ياربيييييييييه منك يالله خلصوا .. شذى بعناد راحت تتمشى قريب منه وهي تطالع جنى بنظرات تقهرها .. وجنى تتوعد فيها بينها وبين نفسها .. رائد انتبه لشذى وابتسم لها هاذي شذى بنت عمي وقرب منها :: اهلين شذى اخبارك ؟؟!!.. شذى وهي تسوي نفسها توها تتنبه له وببتسامه :: هلا رائد .. الحمدلله انت وش اخبارك ؟؟!!.. انتبه للبنتين اللي واقفين ويطالعونهم وعرف البنت اللي خبطت فيه من عباتها ولثمتها وعيونها المميزه ولونها الي لايمكن تمر على اي واحد مثل رائد بدقة ملاحظته مرور الكرام .. رائد :: هذول ربى وجنى ؟؟!!.. شذى بخبث :: ايه واشرت عليهم جنى وربى .. ابتسم عرف انها جنى وقرب منهم وهو يدف عربيته وخدمهم منتشرين يجبون الاشياء اللي يبونها .. وببتسامته الساحره :: اخباركم ياربى وجنى ؟؟!!.. جنى وهي مو مهتمه للي صار قبل شوي لانها اقتنعت انه عادي يصير معه او مع غيرره ردت ببتسامه ولاكنه صار شي بس طبعا مراح تعديها لشذى :: الحمدلله بخير .. انت وش اخبارك واخبار عمي وخالتي ؟؟!!.. رائد :: بخير .. ربى :: اكيد روان وملاك هنا ؟؟!!.. رائد ابتسم :: ايه تركتهم بالسيب اللي قبل هذا .. ربى :: اجل بنروح لهم .. جنى وهي تطلعها وتمسكها مع يدها وبجديه :: انتظري نخلص من هالقسم ثم نروح لهم .. بهاللحظه وصل حسين سواقهم :: عمتي هذا هو اللي تبونه ؟؟!!.. جنى وهي تطالعه :: ايه هو يالله حطه بالعربه خلونا نخلللص لانتاخر ورانا مشاوير ثانيه .. رائد طالع عربيتهم كيف ماخذين من كل شي فيها كرتووون نادرا ما تكون حبه وحده ابتسم :: يالله عن أذنكم .. البنات :: اذنك معاك .. راح بطريقه وجنى مسكت ذراع شذى وبنرفزه وصوت واطي لحد يسمعها وهي شاده على اسنانها :: انا اوريك حاسبي عن عمرككك .. ولفت على حصه :: جيبي عربه لشذى علشان تحط فيها اغراضها ويالله تعالي مريم انتي وحسين خلونا نكمل .. اما شذى تندمت لانها مكثره الاغراض مدام جنى بتدفع لاكن الحين بتتورط .. وماجابت فلوسها واصلا مخلصه مصروفها .. رجعت تمشي ورى جنى وبنظرات ترجي .. :: خلالالاص وربي اخر مره .. جنى وهي تطالع الاشياء على الرفوف :: نــــــــــــــــــــــو ويـــــــــــــــــه .. مانفعت محاولات شذى الكثيره مع جنى راحت لربى تتسطعطفها :: ربى قولي لها خلاص اخر مره .. ربى اللي عرفت روان من صوتها :: مالي دخل فيكم .. وراحت لروان ومن خبالتهم الثنتين ضموا بعض قدام العالم .. ملاك وهي تتلفت تشوف احد انتبه او لا وبفشيله واحراج :: الله يفشلكمممم وش هذااا ؟؟!!.. روان بعدم مبلاة :: محد له دخل فينا ؟؟!!.. اما رائد اللي شافهم من بعيد ضحك اخته استحاله تعقل بس المستغربه تاثيرها على ربى الهاديههه .. وجنى هزت راسها بياس من انهم يعقلون وخصوصا روان .. قربت منهم وصافحتهم لان المكان مو مكان سلالام ونفس الشي شذى .. ملاك وهي تطالع العربه :: وش هذاااا مشالله كل هذا للمزرعه ؟؟!!.. جنى :: اكيد مايغلى عليككممم .. مرت ربع ساعه والبنات مع بعض يشترووون بعدين اتصل رائد على ملاك .. ملاك :: هلالا والله .. رائد :: هلا فيك اقول ملووك يالله انتظركم عند الكاشير اي تاخير انتم بتدفعون .. ملاك بترجي :: لا لالا خلالالاص ثواني على بال مانوصل رائد :: اوكي انتظركم مو اكثر من دقيقتين ؟؟!!.. ملاك :: اووكي مع السلامه .. رائد :: مع السلامه .. قفلت منه وطالعت روان :: يالله رائد يقول ان تاخرتوا بروح واتركم تحاسبون .. شذى بنغزه :: اجل مو جنى بس اللي تهدد ؟؟!!.. جنى طالعتها بنظرات استحقار من فوق لتحت ومشت وطنشتها .. طالعت ساعتها :: وانتم بعد ان ماجيتوا بروح واتركم دوروا من يوصلكم ومن يدفع لكم .. بسرعه مشوا الاربعه ووراهم خدم بنات ابوفارس يدفون الاغراض .. وصلوا لقوا رائد واقف ينتظرهم بعربته .. راحوا له خواته اما جنى واللي معاها راحوا للكاشير خواتها راحوا للسياره مع حصه ومريم وهي وقفت تحاسب مع حسين اللي يدف الاغراض ويشيلها .. رائد وقف وراها ونفس الشي عطى خواته المفتاح يركبون بعد ماجمع الاغراض بعربه وحده .. واقف ينتظر وبنفس الوقت يتامل حركات جنى اللي منزله عيونها للارض وتلعب بتعليقااات جوالها مو لشي بس لان الكاشير يراقب عيونها ومالها خلق مشاكل معه لان لها حاجه عنده تبي تخلص وتطلع .. رائد طالعه بنظرات ناريييه ثم حاكى جنى علشان يبين له انها معه :: الا وين فارس من الصبح ادق عليه مالقيته ؟؟!!.. جنى لفت ووتلاقت عيونهم للحظات بعد عينه كل واحد لجهه ثانيه :: راح يوصل خالي وعايلته للمطار بيسافرون اليوم .. رائد :: اها خلاص سلميلي عليه لاشفتيه .. جنى وهي تلف للجهه الثانيه وتهز راسها :: يوصل ان شالله .. ثم طالع الكاشير اللي بسرعه نزل عيونه يتابع عمله لان نظرات رائد خوفتتته .. وقف رائد وهو ماعرف ليش سوى كذا يمكن بدافع غيرته كاولد عم ماخلى تفكيره يستمر اكثر من ثوانني انهاه بسرعه .. وصلها الدور وحاسبت ببطاقتها وطلعتتت وحسين وراها يشيل الاغراض ونفس الشي رائد ومن الصدف سيارة جنى جنب سيارة رائد اللي ماعرفها لاهو ولاخواته .. ملاك وهي تفتح الشباك وهي راكبه بجنب رائد اللي يركب الاغراض ورى وحسين فاتح الباب لجنى تركب :: مبررروك على السياره ..!! جنى وهي تتبسم وبان من عيونها :: الله يبارك فيككك .. وتطالع خواتها بجوى السياره وتغمز لهم ..ماسرع ماوصلكك الخبر ؟؟!!.. روان باندفاع :: من يعني خواتك يالله عقبال ربى وشذى ياربب .. جنى بغرور وهي تركب وحسين انتبه وراح قفل الباب وهي فاتحه الشباك :: مو كل العالم يتجيب اللي جابته جنى ياماما ؟؟!!.. شذى بغرور :: اكيد نجيب احسن منه .. جنى ابتسمت ببرود وطلعت من بوكها فاتوره :: امسكي هاذي فاتورتك ترى اللي دفعته لك ديننن وان ماتسدد اليوم اول مانرجع .. اغراضك مراح تاخذينها وعارفه وش الباقي .. شذى بضيق :: طيبببب .. ركب كل واحد سيارته وانطلق كل واحد بطريقه .. التقوا عند الاشاره القريبه .. رائد وهو يتامل سيارتها اللي قدامه :: والله سيارتها خطيرررره واخر موديلل بعد .. ملاك :: ايه هاذي الناس اللي تقدر سياره خاصه فيها هدية نجاحها من جدهااا .. رائد :: احلى والله حنا تخرجنا واكبر هديه ساعه الماس .. روان :: هههه يا بابا هاذي جنى اللي من تقول الكل ينفذ طلبها من جدها لثمور ولد عمي عبدالعزيز كل خوالها واهل امها مايرفضون لها طلب هذا غيرر ابوها وامها واخوانها مو مقصرين .. رائد رفع حاجبه باستغراب وطالع اخته بالمرايه :: ليش ان شالله وش فرقها عن خواتها ؟؟!!.. ملاك :: اول فرحتهم واكبر حفيداتهم .. رائد مافهم :: كيفف ؟؟!!.. وحرك السياره لان الاشاره فتحت .. ملاك :: هي اكبر البناااات والبقيه شباب فهمت هي وعريب بنت خالها ماخذين الغلا كله وهي اكثرر لانها عارفه تكسب قلوبهم وعقولهم لصالحها .. رائد وبدى يفهم هز راسه :: اها قولي .. وسكت فتره لاكنه تذكر شي .. وهو يطالع الشارع .. الا تعالوا هنا انا ماحددت لكم السعر ليششش مكثرييين ها ؟؟؟!!.. روان بتلكع :: ياخي وش نسوووي من زمان ماطلعنا معك باخل بهالكم ريال ؟؟!!.. رائد ابتسم :: اوكي هالمره بامشيها بس مو كم ريال قصدك كم ميه .. ابتسموا خواته وكملوا طريقهم .. ** ** ** ** طبعا الجازي + ساره + مدى + ندى + ملاك + روان :: جالسين بالمطبخ يجهزون الي عليهم .. معدا جنى + ربى + شذى :: موكلين أعمالهم لعفره والطباخه .. ** ** الساعه وحده بقصر ابوفارس .. جنى وهي تشرف على تريبات فاطمه لشنطتها للمزرعه وجالسه على السرير :: لا تحاولييييين شـــــذى الحين يعني الحين خلي عنادك يفيدككك ؟؟!!!.. وهي تاشر بابصبعها بتهديد ونظرها على اغرض شذى اللي بزاوية الغرفه :: والا مراح تاخذين الاغراض .. شذى بتاففف طلعت وهي متضايقه حدها المصيبه مصروفها وخلللص وابوها نام من قبل لايجووون هو وامها استعداد لبكره واصلا لو صاحين مراح يعطونها لان عندهم قانون المصروف لازم يكيفها كل الشهر .. بهاللحظه فارس توه بيدخل غرفته وطالعها وهي طالعه تااففف :: وش فيك تاففين ومتضتيقه عسى ماشر ؟؟!!.. شذى حست انه المنقذ وبدلع :: فوفو حبيبي .. فارس اللي عرف وراها طلب :: من الاخر ؟؟!! شذى :: ابي فلوووس .. فارس رفع حاجبه :: ليش ؟؟!!.. شذى :: جنى شرت لي من السبور ماركت اغراض المزرعه وبما ان مصروفي خلص ماقدرت اعطيها شي .. فارس :: وابوي ؟؟!!.. شذى :: ابوي نايم قبل لانجي وحتى لو قايم مراح يعطني تعرف نظريته مصروفي لازم يكفيني كل الشهر .. فارس بنظرات اربكتها واستغراب :: وين طيرتيه وحنا بنص الشهر ؟؟!!.. شذى :: انت قلت نص الشهر بعدين ترى كلها الف رياللل يعني بسرعه تطير ؟؟!!.. فارس باستغراب ونرفزه خفيفه :: الف ريالل لوحده بسادس ابتدائي عفوا اقصد اولى متوسطط تطيرها بنص الشهر تتسهبلين انتي هالالف غيرك يتمناها .. جنى وهي تطلع من غرفتها :: قلها قلها بس ماتسمع الكلام كم مره اقولها مو معناة ربي معطينا من خيره نضيع فلوسنا .. شذى بتافف من محاظراتهم :: يعني ابخل على عمري وربي معطينا خير والحمدلله ومو ناقصنا شي ؟؟!!.. جنى بهدؤؤ :: بالعكس لاتبخلين ولاتبذرين خلك وسطط هالفلوس مهما كان تعب وشقى ابوي وامي تضيعنها ببساطه وعلى فكره بتحاسبين عليها يوم القيامه .. شذى وهي تتكتف بضيق :: انتم تقلون كذا لان مصروفك الفين وهو مدري كم وتحاسبوني على هالالف ؟؟!!.. جنى وهي تهز راسها ممنها فايده وفارس طالعها بقل حيله فيها .. جنى بطفش وماعندها الا هالحل :: اوكي راح اعطيك اغراضك .. قاطعتها شذى بفرحه :: واللللللللله .. جنى صدمتها :: لاكن بشرط .. شذى بخيبة امل :: اللي هو ؟؟!!.. جنى :: مصروفك بعد مانرجع من السفر تعطنياه امسكه لك وكل مابغيتي شي اعطيك منه اوكي ؟؟!!..خلني اعرف وين يرووح هذا مو معناته تشكيك لا انا عارفه تربيتك بس علشااان نقدر نحل المشكله ونخليه يكفي طول الشهر وتوفيرين بعد .. شذى بقل حيله ماصدقت يوافقون يضمونهم معها بعد مارحموها مافي احد بعمرها ولازم تجيب طلباتهم :: خلاص موافقه .. جنى وهي تاشر على فارس :: وفارس شاهد .. شذى هزت راسها :: خلاص .. فارس ابتسم وبخاطره :: مشالله عليها طول عمرها جنى تعرف تحل المشاكل وخصوصا لاخوانها وخواتها .. دخلت وعطتها اغراضها وبعدها كل شخص نام علشان يكنون على اتم استعداد لبكره .. ** ** ** ** ** * مع شرووق يوم جديد الساعه 7 صباحا كان اجباري على كل من بالقصر يصحى علشان بينطلقون للمزرعه الساعه 8 .. ربى بانزعاج وهي تغطي راسها باللحاف :: عفرررووووه بعدي عن وجهييي (( عفره :: حبشية :: مديرة الخدم بقصر ابوفارس من تقريبا عشرين سنه وصايره وحده منهم وفيهم وقريبببه حيل منهم .. )) عفره بتملل :: ياربي متى بتصحون انتم ابوكم متحلف فيكم ان جت الساعه 8 ماصحيتوا بيروح ويخليكم ولاتفكرون تلحقونه .. ربى رجعت تنام اما عفره خلالالاص طفشت منهم لاشذى ولاربى ولاهزاع ناوين يصحووون .. كانت طالعه من جناح ربى وشذى وابوفارس وام فارس بينزلون يفطرون .. ابوفارس ببتسامه :: صباح الخير .. عفره :: صباح النور ياولدي .. ابوفارس بتساؤل :: ها صحوا والا لا ؟؟!!.. عفره وهي ترفع يدها علامة قل حيلتها فيهم :: لا هزاع ولا ربى ولاشذى صحوا .. ابوفارس وهو مكانه صرخ :: هزااااااااااااااااااااااااااااااااااااااع ربـــــــــــــــــــــــــــــــــــــــــــــــى شـــــــــــــــــــــــــــــــــــــــــــــــذى يالللللللللللللللللله تاخرنا ولا ترى بروح واخليكم .. مع هالصرخه صحوا الثلاثه بسرررررعه يلبسون .. الساعه 8 الا ربع اجتمعوا كلهم على الطاوله الاكل يفطرون .. ابوفارس وهو يشرب القهوه :: فارس انت جيب اخوانك وانا وامك وهمام بنروح بسيارتنا .. فارس :: واعمامي متى بيجووون ؟؟!!.. ابوفارس وهو يطالع ساعته :: بيمشون معنااا بس حنا بنسبقهم علشان نستقبلهم .. جنى :: اوكي انتم بلغتوهم يرتبونها لنا ؟؟!!.. هزاع :: ايه بلغناهم وجهزوا كل شي .. ابوفارس :: الاغراض بتروح مع عفره واحمد بسياره مع بقية الخدممم لاحد ينسى شييي ولاتنسون قفلوا غرفكم زييين .. شذى :: لاتخاف هلاسطوانه حفظناها .. ام فارس :: اهم شي هالشي مانظمن شي بعد السنه اللي طافت .. جنى :: كل شي ثمين محد يقدر يقرب منه وغيررره مايهههم .. ابوفارس وهو يوقف :: يالله لاتتاخرون ابي اشوفكم وراي سامعين ؟؟!!.. فارس :: ان شالله .. بعد خمس دقايق الكل كان بسيارته وجاهزين قفل ابوفارس القصر من جووى لان اغلب الخدم بيرحون معاهم وطلعووووا متوجهين للمزرعه .. ابوفارس + ام فارس + همام :: بسيارة ابو فارس .. فارس وهزاع وخواته بسيارة فارس.. ** ** ** ** بفلة ابوطلال :: الجازي بخيبة امل :: ليش يمه مراح تروحين معانا ؟؟!!.. ام طلال وهي جالسه تفطر وبعدم مبلاة :: والله عندي اليوم حفله وبكره زواج تبيني اضيعهم علشان اروح اجتمع مع اعمماكم وزوجاتهم ولا اشوف مزرعة جوير تقعد تفرح فيها وتقهرني بمزرعتها وعزهم لا حبيبتي مالي خلللق .. فهد مر وسمعها وطنش ولاكنه يسمع وطلع برررى ووراه طلال سوا نفس الحرككه ..اما الجازي تضايقت لمتى امها بتكررره اعمامها اللي ماذوها بحرفف .. اما فواز جالس بجنب امه .. ابوطلال وهو ينزل :: يالله الجازي وين اخوانك ؟؟!!.. الجازي :: برى ننتظرك علشان نطلع .. ابو طلال :: يالله ياامي امشي .. الجازي وهي تتغطى :: ان شالله .. ابوطلال قبل لا يطلع انتبه لفواز اللي جالس جنب امه :: وانت مراح تجي ؟؟!!.. فواز :: الا باجي .. امه مسكته :: الحين بيلحقكم .. طلعوا ينتظرونه كلهم راحوا بنفس السياره . ام طلال :: مثل ماوصيتك ها سامعني ؟؟!!.. فواز يهز راسه :: انتي تامرين امر ؟؟!!.. ام طلال تطلع من شنطتها وتمد له فلوس :: خذ هاذي علشان ماتحتاج احد وجوالك فيه رصيد والا لا ؟؟!!.. فواز :: ايه فيه نسيتي توك شاحنته لي امس .. ام طلال وهي تتذكر :: ايه صح يالله رووح ودير بالك على روحك .. طبع قبلاته على راسها وجبهتها وخدها وطلع وانطلقوا بعدها .. ** ** ** ** انطلقت جميع العوائل متجهه لمزرعة ابوفارس اللي تبعد عن الرياض تقريبا ساعتين .. ** ** وصلت العوائل وكان باستقبالها ابوفارس وعياله اللي استقبلوهم احسن استقبال الرجال والشباب جلسوا بقسم الرجال بخيممه كبيره قدام المسببح الكبير وقطع ثيييل حولينه مع احواض ورود .. اما الحريم جلسوا جووى لحد مايرتاحون بعدين ياخذون جوله بالمزرعه .. الجد وهو يطالع منظر المزرعه كانت رائععه وكبيررره جداااا وغير كذا فيها اكثر من نشاااط برغم انهم بقسم العايله مافيه اي نشاطااااات .. :: مشالله والله وكبرتها وزينتها ياولدي .. ابوفارس ابتسم :: هذا كله علشان نرتاح فيها وننبسط .. ابوسلطان :: مشالله كامللله .. ابوفارس هو يبتسم :: توك ماشفت شيي .. اما الشباب جالسين على الثيل على فرشه قدام المسبح اللي يغري الواحد يسبح فيه كان كبير وبطرفه احجااااار باحجام متنوعه وينزل من ارطافها المويه وكنها شلال بس منخفض شوووي وجسر صغير حولينننه اشجار ممتده من طرفينه يعني فوقه وباطرافهه وحولينه وروود وزوهور واحجاار كان فووق الحجر اللي بطرف المزرعععه والمنظر منه رائع .. وحولين المسبح جلساااات حلوووه وراقيه .. سلطان :: اقوووول شببببااااب وش رايكم نسبح بصراحه المسبح يغري ؟؟!!.. طلال :: انا معاااك .. فارس وهو يوقف :: قموا اجل قبل الظهر لانحترق .. قاموا بسرعه وخلال ربع ساعه كانوا جاهزييين وبدوا يسبحون الشباب كلهم حتى ثامر وتركي وهمام ومحمد معاهم .. ** ** ** ** اما عند البنات كانوا بجناح جنى وخواتها اللي من غرفتين غرفة لننوم وغرفه فيها اغراضهم ملابسهم وجلسه وتلفزيون واغراض ثانيه لوناستتهم وجلستتهم تكون هناك .. ساره :: ننام هنا وهناك ننسهر للفجر .. جنى :: شوووور .. بس تعالوا مافي الا اربع سراير ؟؟!! روان :: من له السرير الرابع وانتم ثلاثه ؟؟!! جنى :: عريب ..(( بنت خال جنى )) روان :: اها قولي ... طالعت البنات .. اقووول بنااات خلونا ننزل .. جنى :: ياللله ننزل نتفرج على المزرعععه وبالمره نسلم على جدي واعمامي لان ابوي توه داق جدي يسال علينا .. الجازي اللي نست ضيقها من امها وبدت تندمج معاهم :: يالله .. لبسوا جله (( شراشف صلاة بس صغيره )) يتغطووون فيها ونزلووووا .. اخذتهم جنى وخواتها لفه على المزرعه اللي انبهروا من جمالها وبلاخير وصلوا لقسم الرجال .. ندى :: قسمهم يجنن وخصوصا مسبحهم خطيـــــــــــــــــر ؟؟!!.. مدى :: ليه عندكم مسبحين ؟؟!!!.. ربى :: ايه واحد لنا مغطى والثاني للشباب مفتووح .. تغطووا ووصلوا للخيمه وهم يطالعون الشباب يسبحون ويلعبون كرة طائره بالمسبح .. ساره بحسد :: ياحظـــــــــــــــــــــهم .. جنى :: ههههه خليهم ينبسطووون .. دخلوا الخيمه وفتشوا مافيه الا اعمامهم وجدهم سلموا عليــــــــــــــــهم وجلسوا معاهم وهم يتفرجون على الشباب كيف يلعبووون بالمويه ويرشوون على بعضض مبسووطيــــــــــن على الاخررررر لدرجة الارض اللي حولينهم غرقانه موووويه .. جنى وهي توها تلمح ثامر :: عمييييييييييييييييييي من جدك تاركه مع ذووووول ؟؟؟!!!.. ابوتركي :: رائد تكفل فييييه وطلبني يوم شافه يبكي يبي يسبح معاهم .. جنى وهي توقف :: حرام عليك شووووووف شووووف وشلون يغرقونه بالمووويه تركي وعصابته حتى وسسسسن معاهم (( وسن اصررت الا تتسبح معاهم واخذها سلطااان وهو يراقبها .. )) ومشت للمسبح .. جنى وهي توقف قريب من المسبح شافت رائد ياخذ ثامر وهو شايله يودي لمنطقة طولها تقريبا مترين ونص وهي خايفه علييييه وبخووووف واستغراب :: رائئئئئئئئئئئئئئئئئئئئئئئئئئئد وين ماخذه ؟؟!!.. لف يطالعها وهو شايله ويضحك له :: اعلمه اصوول السباحه .. جنى بخووووووف ::: لا الله يخليك خللله .. رائد وهو يكمل طريقه معطيها ظهرها ومطنشها :: لاتخافين ولا انا مو ماللي عينننك .. فهد استغل فرصة وجودها قريبه خصوصا شاف البنااااات يقربون منهم غمز للشباب بشييي ونـــــادى رائد لايفوته هالشي .. جنى بنظرات ترجي :: الا مالي عيني بس رائـــــــــــــــد رجعه بليييييييييييييييييز وربي خايفه عيله اعرفه مطفووق الحين يطيح من يدك ويصير فيه شي .. رائد وهو يرجعه ماحبها تترجااه خصوصا ان ثامر بدى يخااف ومده لها :: خذيه .. نزلت نفسها للمستوى المسبح وشالته ولفته بمنشفته اللي مدتها لها ساره .. بهالحظات بدى يجيهم رش بالمويــــــــــــــــــــــــــــــــــــــــه غرقــــــــــــــــــــــــــــــــــــــــــهم .. البنات وهو يبعدون ويصرخون ويتوعدون بالشباب اللي ماتووووا ضحك عليـــــــــــــــهم .. فهد وهو ماسك بطنه والبنات يبعدون عن قسمهم وبصوت عالي :: هههههههههههههههههههههههههه واحد صفر .. فهموا قصده البنات روان بنرفزززه :: من يضحك اخيررررا فهوووووووووود .. فهد قطب :: فهووووود بعينك سامعه ؟؟!!!.. روان وهي بدت تبعد :: فهوووووووووووووووووووووووووووووووووووووووووووووووو ووود فهوووووووووووووووووووووووووووود .. فهد تنرفزززز منها وده لو يقووم ويذبحهــــــــا اما هي انبسطت عرفت انها نرفزتته .. البنات بعدوا وهم غرقانين مويه وينشفون جلتهم وثامر مع جنى ودته جوى عند مربيته اللي روشته ولبسته .. وهم داخلين الفله وحالتهم حاله من المويه .. الجده باستغراب :: وش فيكم يابناتي ؟؟!!.. مدى بغيض :: يعني وش فينا هالعيااال رشوونا بالمويه وهم يسبحووون حسبي الله على بليسهم بس .. ام تركي ضحكت :: هههههه عادي تعيشون وتاذخون غيرها ؟؟!!.. جنى وهي تطالع خالتها بطرف عينها :: مبسووطه خالتووو طبعععا مو انتي اللي تبلللتي بس هيييييييييين انا اوريههههم وبالذااات فهووود .. ام فارس اللي تموت بفهد لانه واحد من عيالها وكنها جايبته من بطنها مو مرضععته ابتسمت :: لاعاد جننى ابعدي عن فهوودي ولدي حبيبي .. جنى تخصرت :: فهودي ولدك حبيبككك وانا وش اصيير لاكوون بنت الجيرران اعترفي يام فارس ؟؟!!.. ام فارس بضحكه :: وانتي وش دراااك ؟؟!!.. جنى شهقت :: مامممممممممي اقصد ام الجيررران .. الكل :: هههههههههههههههه .. ام فارس :: ههههه لا حبيبتتي انتي ضنااااي وغناااتي انتتتي اكبر بنااااتي وماله داعي اقولك عن غلالاك عندي .. جنى وهي تقرب وتبوس راس امها :: الله يخليك لي ياكل الغلا انتتتي .. وببتسامه .. كان ودي اضمممك بس خفتت تبلليييييييين يعنني .. الكل :: ههههههههههه .. ساره غمزت لجنى تسوي شي وجنى عرفت .. لفت على خالتها ام تركي اللي جالسه بجنب امها وببتسامه خبث :: خالتي وش رايك بشكلي وهو مبللل ؟؟؟!!.. ام تركي ببرائه وعفويه :: يجنن كالعاده .. جنى قربت منها وضمتتها بقوووه :: وانا نفسييي اشوف شككلك وهو مبلللللللللل .. ام تركي ضحكت :: جنوووووووووه بعيد عننني بللتييني الله يقطع بلييييييييييييييسك هههههههههههههههه .. الجده :: جنننى بعدي عن خالتتتتك هههههههه .. الكل كان يضحححك ومبسوووووووووط .. جنى بعدت وهي تضحك وتلف بتروح :: هذا درس خالتتوووو علشاااان ماتتشمتييييين بحد .. اشرت للسماء وببرائه مصطنعه :: يمهل ولا يهمل .. شكلها وكلامها خلى الكل يدخخل بموجة ضحححك .. بعد هالضحححك راحوووا البناااااااااات وهم يضحكووووووووووون وغيرروووا ملابسهم واللي خذت شورر بعد هالشوور المحترم اللي اخذووه من الشباب .. ** ** ** ** انتهى البارت الثاني :: ** انطباعاتكم ارئاكم ؟؟وتوقااعتكككم !! ** __________________
للمشاركه في قسم اسرار البنات يرجى مراسلتي برساله خاصه والقسم للبنات فقط
|
||||||||||||||
|
|
|
01-29-2008, 02:38 AM
|
رقم المشاركة : 4 | ||||||||||||||
|
رد: قصه سواها قلبي للكاتبه جوهرة المملكه
البــــــــــــــــــــــــــــــــارت الثالث .. ** بعد صلاة العصر :: بمنطقه الرمل والمراجيح اللي بالمزرعه .. كانت عند مبنى الخدم الصغير وقدام المطابخ علشاان يكنون دايما الصغار تحط انظار الخدم .. وكانت عباره عن مراجيح بلاستتيك وحديد واكوااخ والعااب للاطفااال بانواع واشكال واحجام مخختلفه والوان مختلفه بس متناسقققه وتجذب الاطفال لها .. كانوا تاركين الالعااااب وبس يحفروون بهالرممممل ويلعبوون فيه .. وسن وهي تحفر :: ترككي وش رايك ندفن كنز هنا ؟؟!!.. تركي بسخريه :: ومن وين بنجيب هالكنز ان شالله ؟؟!!.. وسن وهي تهز كتوفها :: اي شي .. محمد بتفكير :: ايه صح اي شي ندفنه ويكون كنزنا .. الشباب بدووا يفكرووون وش معقووله يحطووون ويكون كنزههههم .. بلاخير شافوا سلسة على وسن هديه من ضاري ولد خالها بعيد ميلادها السنه اللي طافت وهي تحبها مووت .. تركي قرب منها :: وسن عطيننا سلستتك .. وسن نفضت التراب من حضنها ووقفت :: نععععععععععم لالالالا مافيه هاذي من ضاررري .. همام بسخريه :: واذا من ضاري اقول جيبيها يالله .. وسن صارت تركض وهي خايفه منننننهم .. وهم طنشوها وبمللل .. همام :: وش نحطط ؟؟!!.. تركي ابتسم وبخبث وكان بكفوفه رمممل كثير اخذذه ورمااه عليييييييييهم الاثنين همام ومحمد تنرفزوا وصارت حررب بالرمممل تبللوا بالرمل وغرقووا فيييييييه وهم يضححكوون ضحكاتتهم البرايئه الطفولييــــــه .. اما ثامر فكان طول القوت يلعب بالمرجيحه مع مربيتته ومطنشههم .. ** ** ** ** بنفس الوقت لما خلصوووا صلالاة .. طلعوا البنات شايلين عفشــــــــــهم فرشتهم واغراضهههم وطلعوا فرشووا ورى الفله قدامم بركه للمويه فيها عجلله تدووور وصوت المويه اللي يطلع مع العجله خياااال وماكانت عجله وحده لا كانت حوالي الخمس باحجااام مختلفه ومتفرقه بالبركه اللي كانت طوليييه وبطرف البركه الثاني كان فيه كوووخ وهالكووخ كان منظر بس وحولينننهم اشجاررر ورزهور مكان كان قمة بالروعه بدوا يفرشون الفرشه ويحطون اغراضهههم .. مدى :: مشالله هالمكان خيـــــــــــــــــال .. ندى :: ايه من جد .. شذى :: هذا مصمته الانسه جنى .. واشرت على رسمات على الكوخ كانت رائعه .. تعرفين من راسمها هاذي ؟؟!!.. ندى بتساؤل :: مين ؟؟!!.. شذى :: جنى راسمتها هي وشاهر ولد خالي لما جينا المره اللي فاتت ابوي مسويه علشان الاثنين يطلعون مواهبهم فيه .. ساره باعجاب :: مشالله روعععه الله يحفظهم على هالفن .. روان وهي تجلس :: المسجل يابنت شغليــــــه .. ربى :: طيب وش تبين ؟؟!!.. روان :: اي اغنيه ترقص .. ساره وهي تاشر باصبعها :: لاحبيبتي نغني ونرقص بس مو وحنا ناكل مايجووز احترام للنعمه .. روان وهي تتذكر وضربت راسها :: نسييتتت .. وباستعجال واندفااع وحماس .. يالله حطوا اغراضكم خلونا ناكل .. بدت كل وحده تسعرض الحلى والكيك اللي مسوينه غير الشكولاته والحلويات اللي شارينها ومعاهم قهوه وموكا وهوت شوكلت ويالله قاموا ياكلون ويشربووون وهم يسلفون ومبسوطين حدهم .. ندى :: نونو .. جنى وهي ترفع عينها لها وتتبسم ابتسامه هاديه :: عيونها .. ندى :: تسلم عيوونك .. اقوول وش رايك ترسميني ؟؟!!.. جنى رفعت حاجبها وابتسامتها كبرت :: وش الطاري ؟!!.. ندى وهي تهز كتوفها :: كذا طرى باللي ودي احد يرمسني وبما انك رسااامه ابيك ترسميني .. جنى وهي تتبسم لها :: من عيوووني والله كم عندي انا من ندوووش .. ندى وهي تضحك ضحكه خفيفه :: وحده هههه .. الله لايحرمنا منك ياجنى والله انك تجنينننننننن .. جنى وهي تنحنح وبغرور :: احم احم .. شحنتي غروري .. البنات :: ههههههههههههههههه .. جنى بعد تفكير :: شووفي بالليل ارسممممك هنا .. ندى ببتسامه :: اوووكي نونووووو .. ** ** ** ** اما الشباب كانوا بجوووله على المزرعه وطبعا راحوا يشفون نشطاات المزرعه البان دواجن زراعه بعكس البنات اللي خافوا يرحون لانه مكان مليااان عمال يفصلهم عنه زي السيااج من الحديد بس اللي يشوفها يقول خشب وعالييييه جدااا وبوابه وحده بس وتنفتح من قسم العايله مو من قسم النشطات .. وكانوا الشباب معجبتتهم المزرعه جداااااااا وتجننننن .. وبعد ماخلصووا من اللفه عليههها .. سلطان وهو يمسح على بطنه :: شباااااااااااااب انا جوعااان ومشتهي حلــى بيت .. رائد :: شوف انا رحمت انفسنا لايصير فينا اللي صار قبل سنتين وجبت لكم شوكلت وبيبسي زي ماتبون بس حلى بيتي لا مامعااي بصراحه وانا مشتهههيه .. طلال وهو يغمض عيونه :: حتى انا نفسي بحلى بييييت .. سعود :: يانا شايييف البنات محملين من خيرررررات الدنيا وامس خواتي مانموا طول اليوم بالسوبر ماركت والمطبخ يطبخون ولا معاهم موكا وهوت شوكلت غير العصيررررررات والحلللى والكيك .. فهد بتحطيم :: لاتحاولون نسيتوا اللي سويناه فيهم استحاله يعطونا شي .. هزاع :: نحاول اذا مافاد عاد الشكوه لله .. فارس :: بس هم و يـــــــــــــــــــــن ؟؟!!.. فيصل اللي اخيرا نططق من جاء بس صامت ونادرا مايتكلم الا اذا انجبر وحتى وهو يسبحون كان اقل حماااس فيهم :: انا شفتهم جالسين قدام البركه اللي شفناها الظهر كانوا يروحون لها قبل شووي .. سلطان :: شباااااااااااااب قوووو .. راحوا متوجهين لهم وهم حاطين في بالهم الرفض قبل الموافقه .. سلطان بما انه الكبير تنحنح اول ماقربوا وسمعوا ازعاجهم .. روان بعد ماسمعت اصواتهم قريبه بصوت واطي :: بنااات عارفين وش يبون لازم نذلهم ونرد الصاع صاعين سامعين ؟؟ البنات هزوا روسهم بالموافقه والتايييييييييييد .. ساره بعد ماتغطوا البنات الي مضيعين جلتهم واللي جالسه عليها وبلاخير تغطت ربى وروان بواحد لان روان ماتدري وين ذبته فيه :: يالله تفضلل .. سلطان :: معاي الشباب تغطيتي انتي ومدى وندى ؟؟!!!.. ندى :: ايه تغطينا .. دخلوا وهم يشفون اللي وسط البنات صحوووون الحلى والكيك غير كاسات الموكا والقهوه التركيه والهوت شوكلت ووراهم الكيك وعصيررررات غير كراتين الشوكلتتت اللي مابدوا فيها << مأمنين انفسسسسهم لثلاث اياااام اللي بيقضونها بالمزرعه .. فهد ببتسامه :: نونو قلبي وعيوني .. جنى باستغراب وبطنازه :: من ينادني والكلام غرررريب علللي بس الصووت لا .. فهد انحرج :: انا فهد اخوك حبيبك ؟؟؟!!!... جنى ابتسمت بسخريه لاكن مو باينه وبنبرة كلها سخريه وطنازه :: حبيبي فهووود لاتكون تعبااااان ولا مريض بليز هزاع الحق على رفيقك لايموووت ولاينهبل .. فهد تنرفز من سخريتها بس له حاجه ومهم عندها وجاراها :: انا مجنوووون بحبك ياروح اخوك انتي ؟؟!!!.. روان بسخريه :: اكيد مبدلينه انتم ؟؟!!!.. فهد طالعها باستخفاف :: ومن حاكاك ؟؟!!.. روان :: اللي يحاكي قلبي جنى كانه محاكيني ؟؟!!.. فهد رفع حاجبه :: من متى هالكلالام ؟؟!!!.. جنى :: من زماااااااان ليه مادريييييييت .. فهد طالعهم بغييض وسكت وبالذاات روااان اللي ترفع ضغط بطريقة معاملتها له وتجبره يعاملها هالمعامله .. صمتوووا لحظاااااااااااااااات .. وقطع هالصمممت .. سلطان بيحرجهم :: اقول ملاحظين ان حنا موقفين ولاعزمتونا !!!!!!!!!! مدى وهي تاشر له باصبعها :: لاسوري ياحبيبي نبي ناكل براحتنا مانبي نتغطى .. طلال ببتسامه :: ولا راح نرفع عيونا لكم خذوا راحتكم ؟؟!!.. ساره :: nooooooo مافيه لاتحاولووون ؟؟!!.. سعود :: سوسو وش فيك قاسيه اليوووم ؟؟!!.. ساره وهي تاشر على نفسها وباستنكار :: انا مافييييييييييني اي شي انا وزي مانا ماتغيرت .. سلطان وهو يستعبط :: الا انا ايـــــــد اخوي العزيز سعوود .. ساره وهي تطالع بسلطان :: وش فييييييييييكم انتم ؟؟!!.. انا اصلالا طوول عمري قاسيه توكم تدرووون .. ضحكوا عليها الشباب اما بالبنات ابتسمووا فاهيمن قصدها تحرم اخوانها من التفكير لو بامل .. سلطان وهو يساسر طلال :: ساره ومانفع معاها جرب مع اختك .. طلال :: ان شالله .. وطالع الجازي ببتسامه :: جي جي عيووني .. الجازي تتبسم :: نعم ياعيوون اختك امر .. طلال ابتسم براحه بعد ردها :: مايمر عليك عدووو اقول حياااتي مشتتهي حلللى .. الجازي كاتمه ضحكتها وتصطنع الجديه :: سوررري لاتحاوول .. طلال طالع سلطان وطالعوا رائد .. رائد تنهد بخاطره وطالع ملاك :: ملووووك حبيبتتي .. ملاك بسرعه قالت له :: رائد بلييييييييز لاتقولي شي لاني ماقدر اعطييييييييك من غير رضاااهم فلا تحرجني .. رائد ابتسم لاخته وسكت وطالعهم طالعوا فارس .. فارس وهو يبتسم :: قلبووووو ..جنى تلعب بجوالها تفتح رمز القفل وتقفله مو معطيته اي اهتمام .. شذى :: اقوول ياقلبببببببوو فارررس عطيه وجهه .. ربى :: ايه والله قلبووو هي وبس وحننا ضايعين .. شذى بنغزه :: ولا ويليتها ماعطيته وجههه .. فارس طالعهم بطرف يعنه ولف عليها وبصراخ :: نونووووووووووووو .. جنى رفعت طرف عينها له :: سم .. فارس :: سم الله عدووووك بس بغييييييييييت .. جنى تقاطعه :: حبيبي فارس عيووني روحي انتتتى لاتطلبني من اللي معانا لاني من جد باحرججك خصوصا بعد حركتكم اليوووم وانت عارفني ماقدر احرجك ياقلببي ومابببي فبليييييييييييييز حياااتي لاتجبرني على شي مابيه .. فارس سكتت احترم رغبتها ..اما فهد بنغزه :: ياعمري انتتا ماتقدر تحرجك ونص كلامها كله الفاظ حب وغززل وحلوه مو حنا ياحظظي اخووان طللل لها .. هزاع بحسره :: اي والله ياخوووووي مو معبرتنا تقول ماعندها الا فارررس وبس حتى همام المسكييين مو معطيتته وجههه ابدااااااااا .. جنى مطننشه وتكمل لعب بجوالها ماحبت تحتك فيهم كثييير وتتبسم بداخلها على كلامهم .. سعود يكمل وبحسره عليهم :: يامساكين ياعيال عممممي ولاحتى فكرت تلفتت عليكككم تعبررركم حتتتى مطنشه وبقووووه بعععععد .. فهد يكمملها بسحره :: شفت ياولد عممممي عااااد .. جنى رفعت لهم طرف يعنها وبكل جديه :: فهوووود هزاعوووه وسعيييييييد من جددد ماني رايققه لكككم حدددي متضاييييييييقققه .. فهد بنغزه مو لها وبس حتى لغيرها :: اكيييييييييد حبايب القللب ماتصلووووا .. جنى رفعت عيونها بس وطالعتتته بنظراات خلته يتحسف على اللي قاله ويسككت ويخااف بعععد .. فهد بلع ريقه :: اقووول اخر الكلالالام وش بتسوون بتعطوونا والا لا ؟؟!!.. بهاللحظه رن جوال جنى ومن سمعت النغمه نست الدنيا واللي فيها وبسرعه ردت بلهفه بشووووق وحببب :: هلا وغلالالالالالا ياقلبي .. نبرة صوتها لفتت انتباه الكل لها ولا اللي تكلم حبيبها او زوجها كلهم يطالعونها باستغراب وبالهم الف والف سؤال .. وصلها صوووت المتصل لالهفته ولاشوقه اقل من لهفتها وشوقها :: هلا فيكككك ياكل الغلا انتي ياحياااتي وروووحي وحشتيننننننننننني .. جنى ببتسامه :: وانا ذبحننني الشوووق ووالولله والللللللله .. - فديت قلبببك ياغنااااااااااااتي .. جنى :: فديتتت روحك ياغلالالاي .. قاطعها هزاع وبسخريه :: ياهوووووو احترميننننننا شووووي .. جنى طالعته بطرف عينها ولفت بغرور :: خلك على جنننب ياشيخ .. ورجعت للاتصال وبعناد :: ها بشررر اخباركم ؟؟!!.. - بخير مدامك بخيرررر وربي وحشنني صووتك ياحبـــــــــــــــي .. جنى بضحكتها الحلووه :: وانا فدييييييييت هالصووووت وصاحبه واللله ياقلبوووووووووووو .. هزاع قرب من اخته وجلس بجنبها وسحب الجوال من يدها وتكلم بجديههه :: الوووو ميــــــــــــــن ؟؟!!.. وصلته ضحكت الطرف الثاني الحين عرفت قصدها بانها تكلمها بصيغة المذكر .. هزاع وعرف هالضحكه :: ولكككك تئبرننننننننننننني هيدي الدحكه وصاحبتى ؟؟!!.. جنى بنظرات تعجب :: الحين من اللي يحترم وجودنا ها ؟؟؟ هات هااااااات تلقاك احرجتها ياشيخ .. طبعا فارس عرف مين المتصل من البداااايه لان هالاسلوب مايطلع الا مع اشخاااص معيينين بس .. ومن وجهه اخووووه اللي تغيررر تاكد من هالشخص .. جنى :: ماعليك منه يعرف يحرججج الواحد .. عريب :: ماعليك اقول حبيت اتطمن عليك سلمي على الكل اوكي يالله بايو .. جنى :: لاتقاطعين باييي ياقلبي .. قفلت وطالعت اخوها وبنبرة تهديد :: وربي تعيدها ماتلوووم الا نفسك ساممممممع .. هزاع بنبرة هيااااااااااااااااام :: بكيـــــــــــــــــــــــــــــــــــــــــــــــ ـفي اسوي اللي ابي .. جنى لفت عنه بغرور وابتسمت بداخلها على اخوووها وحاله .. طلال وهم مازالوا واقفين :: بنطوول حنا واقفين كذااا ؟؟!!.. روان :: محد قالكم وقفوا وروونا عرض اكتافكم .. فهد بنرفزه :: هيييييييييي انتي احترمينا ترانا اكبر منككككك وعيال اعمامك بعد صدق ماعندك حشيمه لحد ؟؟؟!!!.. روان بسخريه :: هم على عيييييني وراسي لاكن انت لا لا سامممممع .. فهد بقهر منها ومن تصرفاتها :: شوفي ان ماعدلتي اسلوبك مراح تلاقين الا اللي مايرضيك .. روان بسخريه نرفزته من جد وهي تاشر عليه باصبعها باستحقار :: مابقى الا انت تهددني ؟؟!!.. رائد ماعجبه الوضع واسلوب اخته وبنبرة جديه وهدؤؤؤ يبين انه معصب :: روااان بسك عاد على الاقل احترمي وجدودددي .. روان سكتتت حسته معصب منها .. فارس :: بلاخيرر بتعطونا والا لا ؟؟!!.. مدى :: nooooooo .. سلطان وهو ياشر على نفسه باستعطاف :: ونهون عليكم نفسنا فيه ??!!.. سعود بترجي وهي يضم كفييييييينه لبعض ويحطهم عند رقبتتته وبنبرها كلها ترجييييييييي :: بليـــــــــــــــــــــــــــــــــــــــز .. جنى طالعت فيصل كيف ساكت يتابعهم بعيونه وكانه مجبووور يجي :: لو باعطي احد بنعطي فيصل بس .. فيصل استغرب أن احد اهتم فيه وصار يطالعها باستغراب .. فهد باستغراب :: ليه ان شالله ؟؟!!!.. جنى وهي تروح بنظرها للشجره اللي فوق فهد :: لانه بصراحه احسنكم .. سلطان ببرائه :: وانا وش مسوي لك ؟؟!!.. جنى بعد تفكير :: اوكي باعطيكم بس بشرط تعتذرون عن اللي سويتوه فينا طبعا معدا فيصل لانه ماسوا شي علشان تعرفونا حقانين ؟؟!!.. وغمزت للبنات اللي اعجبتهم الفكره بكذا كافي ذل لهم اما الشباب ماعجبتهم ابدااااا بس مضطرين اشكال الحلى ماتفوت .. الشباب معدا رائد وفيصل اللي استثنوه البنات لانه ماسوا لهم شي .. ::: اسفيييين .. طلال ::: يالله عطينا ... ندى :: باقي رائد ؟؟!!.. رائد طالعها بغرور :: للاسف ماتعودت اعتذر من احد .. جنى طالعته بغرور وبخاطرها :: من جد مغروووووور ماكذبتت رواان :: اوووكي روحوا وبنرسلكم مع سلمان وفواز .. كانت الدنيا بعالم ووحده بعالم ثاني استغلت انها متغطيه وبدت تتامل بملامحه اللي اشتاقت لها كثيـــــــــــــر كثيــــــــــــــــــــر وابتسامته وضحكاته وكلامه وصووته وحتى اسلوووبه كل شي فيه اشتاقت له .. اما هو مو معطيها اي اهتمام ولا منتبه لها اصلالالا ؟؟!!!.. راحوا الشباب والبنات حطولهم في صحنين جميع الانواع وارسلوا لهم ترمس قهوه بدوا الشباب ياكلون ويتللذووون بالطعم .. البنات بعد صلاة العشاء وللحين بمكانهم يصلون فيه معجبههههم حيـــــــــــــــــل .. __________________
للمشاركه في قسم اسرار البنات يرجى مراسلتي برساله خاصه والقسم للبنات فقط
|
||||||||||||||
|
|
|
01-29-2008, 02:40 AM
|
رقم المشاركة : 5 | ||||||||||||||
|
رد: قصه سواها قلبي للكاتبه جوهرة المملكه
ساره :: نونو غني لنا ؟؟!!.. جنى بصدمه :: ها لالالا بطلت من زماااان .. ملاك :: عليـــــــــــــنا يالله عادددد .. جنى :: اوكي امري لله .. روان وقفت وخرعتهم :: لالالالالالا .. الجازي :: وش فيك خرعتينا ؟؟!!.. روان :: وين الاورك من غيره ماتحلى الجلسه .. جنى :: هي انتي تبين تفضحينا لالالا خلاص لامغنيه ولا عازفه .. مدى :: من بيسمعنا نسيتي حنا باخر الدنيا .. جنى :: الاورك فوق بالجناح كيف بنطلعه ؟؟!!.. مدى وندى طالعوا ببعض وابتسموا :: خلاص حنا نجيبه .. قاموا ودخلوا من البوابه الخلفيه اللي تودي للمطبخ وبسرعه طلعوا لجناح وجابوا الاورك اللي بشنطته لانه صغير نوعا ما يعني ينفع لجلسه مثل جلستهم وخبووه بكيييس كبير دخلوه فيه ورجعوا من نفس الطريق وهم بالطريق قابلوا ام سلطان اللي استغربت وش هذا اللي معهم :: وش هذا وين رايحين ؟؟!!.. مدى وهي تبلع ريقها وببتسامه بارتباك واضح :: لا بـــــــــس باقي اغراضنا حقت السهره .. ام سلطان بعدم تصديق :: اوكي روحوا ولاتتاخرون لبعد الساعه 12 هناك سامعين .. ندى وهم يطلعون :: لاتخافين .. وصلوا للبنات وبدت جنى تعزف وتغني .. بدت تغني بصوتها العذبب الرائع اغنيه قريبه لقلبها ويحبونها البنات .. اغنية حسين الجسمي انا الشاكي .. ومن كثر مالجو حماسي قامت روان ومعاها ربى وشذى يرقصوون والبقيه يصفقون ويردون ورى جنى اللي تتبسم .. وقضوا ساعتين على هالحال عزززف واغاني ورققص طبعا اغنيتين غنتهم جنى والباقي بالدور على البنات كل شوي وحده طبعا ماهتموا بحلاوة الصوت قد الرجه والوناسه الي هم فيها ووصوروا كل شي بكاميرا فيديو لان هذي عاده عندهم من كانوا صغار يحبون يوثقون كل شي وتجلس ذكرى لهم .. ** ** ** ** اما عند الشباب ركبوا خيللل بعد صلاة المغرب ثم جلسوا يلعبون بلووووت بالخيمممه وهم متحمسيــــــــن حيلللللل ومبسوطين حتى فواز بدى يدخل جوو معاهم ناسي تهديدات امه وفيصل بدى ينفك من انطوائيته ولو شوووووي قدر يطلعه منها سعود الللي مايصعب عليه هالشي .. ** ** ** ** بعد هالجوو الحمااسي جللستها عند البركه وجاابت اغراضها من مرسمها الخاص بالمزرعه ولبست لبس الرسم وبدتتت تندممج والبنات يراقبونهم ويلسفووون ومعدا ربى وشذى وروان راحووا يتمشوون ويسلفوون مع بعض او بلاصح راحوا للمراجيح يلعبوون فيها .. بعد ساعه انتهتتتتتتتتتت .. طالعتع فيها مبتسمه :: تعالللي شوفي .. طارت لها ندى بسررعه والبنااااات بعد .. ندى باعجااب :: اووووووووف مبدعععه .. مدى :: عجيببببببببببه .. الجازي بضحكه ::قولوا مشالله .. البنات :: هههههههه مشالله .. جنى طالعت ندى :: طبعا مراح تاخذينها الحين انتظري باقي شوية تعديلات اسويها بالبيت بعد مانرجع وابروزها لك وبارسلها .. ندى وهي تهز راسها ومازالت مبهوره من انجاز جنى :: اوكي خذي راحتك حبيبتتي .. ساره :: انا لو منك استفدت من رواها ؟؟!!.. جنى ضحكت :: ههههههههه لا وش دعوووى هذا اللي ناقصني اخذ فلوووس من بنات عمممي والله لو اني مو شايفه خييير .. البنات :: هههههههههههههههه .. ** ** ** ** ** ** فارس وهو يمشي ويقطع باوراق الشجر :: تصدق فرحااان حيل برجعتنا مابغينا ؟؟!!.. رائد وهو يبتسم له :: صادددق ارتحنا من هالغربه وهمها والحين بين اهلنا وربعنا .. فارس طالع رائد :: الا ماقلت لي وش بتسوي يون بتشغتل معاهم بالشركه والا مع ابوي ؟؟!!.. رائد بتفكير :: والله عرض عمي عبدالاله مغري وعرض عمي عبدالله مغري بعد بس باستخير وافكر واشووف لاني محتار بيني وبينك مابي ازعل احد مني .. فارس ببتسامه :: لاعادي محد بيزعل هذا مستقبلك وانت حر تقرره ولاتنسى عندك خيار ثالث تشتغل برى بس انا اشووف عندنا او عند اعمامي احسسسن .. رائد :: على قولتك .. فارس :: طيب انت تميل لايش لشركتنا او شركة اعمامي ؟؟!!.. رائد ببستامه : بصراحه شركتكم مكسسسب وشركتهم محتاجتني بس قلت لك افكر قدامي شهر اخذ راحتي فيه .. فارس :: الله يعين .. وضحك وهو يطالع اللي يصير قدامه :: هههههههههههههههههههه .. رائد طالعه باستغراب :: وش فيك ؟؟!!.. فارس اشر له يطالع قدام وهو يضحك :: ههههه .. رائد طالع المنظر وضحك :: هههههه عمرهم مراح يكبرون هالثنتيننننن الله يعين بس .. كان قدامهم ربى وروان جالسين يلعبوون بالمراجيح وشذى تلعب بالرمممل واشكالهم طفووليه وتضحك .. قربوا مننهم وبسرعه تغطت روان وربى .. رائد بغمزه :: وش تسووون ها ؟؟!!.. فارس :: الظاهر يسترجعون ايام الطفوله ههه .. رائد :: ههههه .. روان فاتحه فمها مستغربه كلامهم ::وش فيكم مريضين كانكم فهد وهزاع .. ربى باستغراب :: يمكن معادينننهم ؟؟!!.. فارس + رائد :: ههههههههه .. رائد :: لاماعدونا بس حنا رايقين اليوووم ولقينناكم فرصه لاتعووض قلنا نهبل فيهم شووي .. ربى :: لاعادي خذووا راحتتكم متعوديييييييييين .. فارس راح ورى مرجيحة ربى :: وش رايك بدففك يالله .. ربى ببتسامه :: يالله ..بدى يدفها وهي مبسوطه .. روان طالعت رائد بضيق :: تعلم منننه ياخخخي .. رائد طالعها ورفع حاجبه :: ليـــــــــــش ؟؟!!.. روان :: شووف كيف علاقته فيييهم ... رائد ابتسم لها :: لااكوون قرقووش وانا مدري ؟؟!!.. روان :: لا بالعكككس بس بينا وبينك حواجزز كبيره .. رائد استغرب كلامها وابتسم لها وبسخريه :: كل هذا لاني مادفيتك طيب بادفففك .. راح وصار يدفففها وهي مبسووطه وهو وفارس يضحكون عليهم وماخلى كلام روان ياثر عليه لانه عارررفه وعارف اطباعها اللي بقلبها على لسانها ويمكن صح هذا طبعه معاهم .. وصلوا للمراجيح جنى ومدى وندى اللي ناوين يهبلوون في ربى وروان وشذى .. شافوا المنظر وضحكوا .. جنى طلعت جوالها تصوور بسررعه .. فارس وهو يبتسم لها ويصارخ لانها بعيده شووي :: لهالدرجه معجببك المنظر يعني .. جنى وهي تصارخ وتتبسم له :: كثييييييييييييييير وغررررت بعد .. فارس اشر لها وقربت منننهم .. فارس وهو يبتسم لها :: يالله تعالي اركبي خليني ادفففك .. شذى وهي تنفض التراب عنها :: لا والله وانا ابي بعد .. رائد رفع راسه للسماء :: الحمدلله ملاك ماجت معاهم .. فارس :: ههههههههههه حتى لو جت هاديييه مراح تسووي شي .. رائد بمزحه :: بس روان تكفي وتوفي .. جنى :: هههه بهاذي صادددق .. نزلت ربى وركبت جنننى وهبل فيها فارس وهي تصارخ ومدى تصوورها .. جنى :: فاااااااااااااااااااااااااااااااااااارس بس خلالالاصصصصص .. فارس يزيد ويدفها بقووته :: مافييييييييييييييييييييييييييييه علشاان تحرميييييييييين تركبييييييييييييييين .. جنى بتهديد :: والله انط ومالي دخل وش بصيير فيييييييييييييييييني .. رائد :: تسووينها متهووووووووووووره .. جنى :: اجل قل له يوقفههها .. فهد جااء من ورى هو وهزااع وصاروا يدفوونها بدال فارس وهي من شافتهم صرختتت :: فهيييييييييييييد هزاعووووووووووووووه اعقلووووووا والله بطيح حرام عليييييييييييكم .. ولاكانها تتكلم او يسمعوننها ويضحكوون عليها .. جنى قررت قرار وبتنفذه ونطت من المرجيحه وهي مرتفعععه .. وهم ضحكووا عليها .. طاحت على الارض :: آآآآآآآآآآآآآآآخ الله ياخذ بليسسسسسسسسسسكم .. فهد :: ههههههههه سمعتك تهددين فارس قلت باشووف تسوينها اولا اترايييك تسوييييييييينها والله .. فارس يقرب منها :: ههههههههههه صار فيك شي ؟؟!!.. جنى وهي تقووم وتضبط جلالها :: لالالا .. مدى :: ههههه طيب لو صاير فيك شي وش بتستفيديين ؟؟!!.. جنى وهي تهز كتوفها :: عادي الاهممم مايفرحون هلاثنين بانهم ازعجووني بشي .. هزاع :: اوووووووووف لهالدرجه مسببين لها ازمممه حنا .. جنى :: يوووووووووووووووووه فوووق ماتتصورررر .. فهد :: حلوووووووو اجل هذا اللي نبيه .. ** ** ** ** الساعـــه عشر :: دخل جوات الفله يبي يرروح يجيب اللاب توب حقه من الغرفه وهو داخل تفاجاااء انها جالسه برووحها وسرحااااااااااااااانه .. حاول يعرف ميــــــــــن لاكنه بعد جهد عرفها وقرب وهو يميل بجسمه على الباب وببتساامه :: مللللوك .. ملاك :: ................؟؟؟!!.. فارس بصوت اعلى وهوي بتسم اكثر :: ملالالالالالالالالالالالالالالالالالالالالاك ملووووووووك .. انتهبت وارتعبت يوم شافته قدااامها وتعدلت بسرعه بجلللستها وارتبكتت حييل اما هو ضحك بخفه ماحب يحرجها وبغمزه :: اللي ماخذ عقلللك يتهنى فيييه !!!!!!!.. هي ابتسمت بسخرريه وبداخلها :: من بياخذه يعني غيرررك وانت ولا داااااري .. قاطعها باستغرااب :: ملالالالاك وش فيك ؟؟!.. لاكن هي قاممت ومرت من عنده بتطلع برى وهي تقوول بصووت واطي :: ولاتشغل بالك فيني مافيني شييي .. وطلعت وعبرتها خانقتها اما هو استتغرب ردة فعلها هاذي وهز كتوفه بلا مبلالاة وطلع لغرفته يجيب اللاب توب وماترك اي فرصه لاافكااااره تسيطير عليه .. اما هي طلعت وصااارت تمشي وتمششي لحد ماوصلت عند بركة المويه ووقفت عند العجلللله الي فيها وصوت المويه مالي المكااان جلست على طرفها ويدها تلعب جووات البرككه وتفكيرها عند الشخص اللي شافته قبل شووووووووي فجاااءه نزلللت دمعه من عييينها حاارقه .. يسالني من ماخذذ عقلللي يعني كل هذااا وماحسس .. رفعت راسها وعيونها للسماء :: يااااااااااااااااااارررررب قربني منه او خلني انسااااااااه وارتاااااااااااااااااح .. - من هذا اللي يقرب منك او تنسيننناه ؟؟!!.. ارتعبت ماقدرت تميييز الصوووت لفت تشووف مين والخووف مالي قلبها .. ** ** ** ** انتهى البارت الثالث :: ** انطباعاتكم ارائكم توقعاتكم ؟؟!!.. 1- من هذا الشخص اللي سمع ملاك ؟؟!!.. 2- روان وعنادها مع فهد ومناقرهم وهواشهم لويييــــــــــن ؟؟!!.. 3- والبقيه وش ينتظرهههم ؟؟!!.. __________________
للمشاركه في قسم اسرار البنات يرجى مراسلتي برساله خاصه والقسم للبنات فقط
|
||||||||||||||
|
|
|
02-28-2008, 04:59 PM
|
رقم المشاركة : 6 | ||||||||||||
|
رد: قصه سواها قلبي للكاتبه جوهرة المملكه
مشكوووورة |
||||||||||||
|
|
