يالله ياللـي فوقنـا عالـي الشـان ****ياواحـد كـل المـلا يرتجـونـه
يامسقي الـدار السنيـه بالامـزان ****ماغيرك اشكي له بحالـي ولونـه
انت الرقيب وعالـم بكـل ماكـان ****ياهادي(ن)عبدك بلطـف ومعونـه
ارجي الهداية منك ياخير رحمـان ****تلطف بحالي يـوم زادت شجونـه
أقضي الليالي دايم الدوم سهـران ****من عبرةٍجابـت لقلبـي سخونـه
ألعين ماتسهر على غيـر برهـان ****الا على هـزات روح(ن)حنونـه
لنهزت الوجدان مسكيـن يانسـان ****لكن ترا بالصبـر تلقـى مرونـه
يالله عسى للروح بالصبر سلـوان ****لمن فارق احبابه وتسهـر عيونـه
أغلى البشر ودع ونا صرت حيران ****بعده انـا عايـش بعيشـة مهونـه
لكن لمـل بالله فـي كـل لحيـان ****والعبد هذي سيرتـه فـي شؤونـه
من له امـل بالله ماهـو بخسـران ****ومن تعجبـه دنيـاه لازم تخونـه
من لاعته دنياه جرب با الاحـزان ****دون اعتراض لقـدرة الله وكونـه
ومن عاش في دنياه سالي وطربان ****فلابد مـن وقـت يكلـخ سنونـه
ومن فكـر بدنيـاه تفكيـر فهمـان **** خفف ذنوبـه قبـل تكثـر ديونـه
فنصيح للعبد التقي يعمـل احسـان ****قـدام منكـر مـع نكيـر يجونـه
يدي صلاته مـع زكاتـه بحسبـان ****ولا يقطع اللـي بالقرابـه يبونـه
ويصوم شهر الله ويـزور لركـان **** ويتـرك كلام(ن)الحسـد ينقلونـه
والوالدين يبرهـم قـدر الامكـان ****ويجيبهـم فـي كـل مايطلبـونـه
في غير تحريف(ن)لترتيب الايمان ****يجيبهـم فـي كـل مايسألـونـه
وختامها صلوا على نسـل عدنـان ****محمـد اللـي كلكـم تذكـرونـه
07-24-2008, 11:13 PM
اهتزاز الوجدان
رد: اهتزاز الوجدان
العرض العادي
