زعلان لكن عارف شلون اراضيك
ماحد غيري يعرف بطبـع خلـي
اعرفك لي منك تضايقت واشفيك؟
ماعاش من زعل حبيبـي وكلـي
من نظرتك مـن هيئتـك وتغليـك
اقرأ ملامـح ضيقتـك لا تقلـي
ادري علي زعلان لكـن اوريـك
شلون ترضى يا بعد كل من لـي
ملح الحياة اني اضمـك واخليـك
وش هي الحياة بدون جد وتسلي؟
ساعات لي خاطر اجيبك ووديـك
وارفـع حـرارة حبنـا بالتغلـي
اقول ماحبك وما ابيـك ..مابيـك
عشان اغيضك بس وافشي غلـي
لكن حقيقه اني اهـواك واغليـك
ومحبتي لـك مـا بعدهـا تخلـي
ودي احطك وسط عيني واغطيك
عشان ماتبعد عـن العيـن ملـي
لي غاب حسك نبض قلبي يناديك
بشتاق لك بالحيـل يابعـد كلـي
اقعد انا والشوق دايـم بطاريـك
افكارنـا مابيـن ربـط وحـلـي
زعلان مني كل كلـي يراضيـك
ماحد غيري عارف بطبـع خلـي
يالله تبسـم يالله ذبحنـي تغلـيـك
يكفي حبيبي (مد بـوز ) وتغلـي
__________________
مُذهلة ..
تملأك بالأسئلة ..
هي ممكنة والا محال ..؟!
هي أمر واقع .. أو خيال ؟!
هو سهلها صعب المنال .. ؟
أو صعبها تستسهله !
مُذهلة ..
تملأك بالأسئلة ..
ليه كل معجز مر هذا الكون .. فيها له صلة ؟؟
ليه كل شي فيها تظن انك تعرفه .. تجهله !؟
ليه كل (لا معقول) فيها ورغم هذا تعقله !؟
طيبها .. قسوة جفاها ..
ضحكها .. هيبة بكاها ..
روحها .. حدة ذكاها ..
تملأك بالأسئلة ..
مُذهلة ..
يا أجمل من الأخيلة ..
هذا جواب الأسئلة ..
كي تكوني من حنيني ..
وبس فيني .. ومو بدوني مُذهلة
07-23-2008, 10:47 PM
زعلان لكن عارف شلون اراضيك
العرض العادي
