ماغير أهوجس عقب يوم الربوعـي
لا باس ياقلبي مـن الهـم لابـاس
هذا نصيب ومثلك أنت القنوعـي
صحيح ضاقت في فراقه هالأنفـاس
والشكوى لله صار حظي بجوعـي
ودي بغيره لكن ابروحـه السـاس
والأصل ماله فـي مثيلـه فروعـي
ياما شربت المر من شفـة الكـاس
وأسهر لوحدي طافيات(ن) شموعي
وأردد الحسره على موت الإحساس
عام(ن) قضى والشعر عني قطوعي
ليتك تشوفي حالتي بيـن الأنجـاس
ياما ضحكوا فيني وراحت جموعي
عقبك شكت مني دفاتر وقرطـاس
وأقلام صارت كلها فوق طوعـي
البارحه وأنا أقلب الفكر بالـراس
طرى علي وداع ثم(ن) رجوعـي
لو حب كوعي يخلط أنفاسك أنفاس
يجيك علم(ن) لأجلك أحب كوعي
حبي وحبه ماعرف يـوم دسـاس
ولا عرف درب الردى والخضوعي
ليت الليالي ترجـع اليـوم يانـاس
وأسهر أنا وياه وأنسـى ربوعـي
هم وغرابيل وقهـر زود هوجـاس
لوعة فراق وزاد بالقلـب لوعـي
حتى بصلاتي لا بسن فكري لبـاس
وأستغفر الله ضاع مني خشوعـي
يالله تعالي أبعدي كـل الأتعـاس
الين اسمع طـق طقتهـا ضلوعـي
بعدك مخليني خـوي(ن) للإفـلاس
ياما وقعت وزاد عنـدك وقوعـي
أنا بدونك أيـه بالحيـل محتـاس
هجرك عذاب وطاح عندي طلوعي
أكبر مصيبة حبكـم مالـه قيـاس
وأكبر قهر إنك تشوفـي دموعـي
07-13-2008, 07:15 AM
البارحه وأنا أقلبـ الفكر بالراسـ...
المواضيع المتشابهه
العرض العادي
