اليوم ابطرح لكم احلا اشعار الامير بدر بن عبدالمحسن
_______________________________
يابعدك التي غنتها نوال الكويتيه

إن رفعت الصوت

صحت يا بعدك

وإن قويت سكوت

آه...يابعدك

أنت والا الموت

وما أحد بعدك

وين أرضك وين

يا دوا المجروح

إن فقدتك عين

ما فقدتك روح

أنت شينك زين

أرجع ومسموح

في الجدايل شيب

من سبب هجرك

ولو سنين تغيب

جيتك عذرك

كيف أببكي عيب

كود في صدرك
________________________________
اوهذي مقتطفات من اشعاره

لمشكلة ... اني اختلف...
لاطروا اسمك من الولة ...
وجهي يتغير ... نظرتي ..
وتضحك في عيني عبرتي...
وبعض الحكي ماتحملة ...

.................................................. ....

مدري سبقني الوقت والا تحول
اخلف ربيعي وادهرن المواعيد
أو هو الصبا نجم رقى ثم تحول
غاب وسما وجهي مشيب وتجاعيد

.................................................. ...

اقضب اليل تكفى لايروح دام لي بالصدر عرق يصيح
باكر وداع وفراق ونزوح تطلع الشمس ونجومي تطيح

.................................................. ..

البارح واعذاب الضاحك الناحب
من الليالي وأهلها شابت عيوني
روحت من صاحبي ماعاد لي صاحب
وأعداي وافين ماقد يوم خانوني

.................................................. .

جرحتني يامدااوي الجرح بجراح وأنا أحسب أنك صادق في دواية
وكانك على جروح المحبين ترتاح أرتح قطعت اليووم تالي رجاية

...............................................
أنا الصويب اللي غشت صدرة ادماة
شلفا عيونك هشمت مش زورة
يامن يبي ذبحي وأبي منع لاماة
روح شكت ظلمك تراها معذورة

..........................................

خبرت نصف حيا مع نصف الثاني
بعضي رماد وبعضي نار مشبوبة
راعي الوعد وان صدق مرة ووافاني
يختار بين الجسد أو قلب محبوبة

...........................................

وذكرتك مابقالي في السماء لو لحظتين غرووب
ولالي في الثرى كود الذي يرمية أنا خلاافي
_____________________________________
((انتي اللي وحدك لي))

كل الحرير اللي في الأرض ..
ما يلمس الجلد ..
وكل الرخام ..ما تاطى القدم ..
والعطر .. ما طال النسم ..
حبيبتي ..واغلى الجواهر جيد ..
وكثر الذهب ..والغيد ..
انتي اللي وحدك لي ..
حبيبتي تغار ..
والدر في المحار ..
والمحار في اليم
واليم في الأعصار ..
ومابه شعور اقدم ..
من لهفة البحار ..
ساعة يغيب النور ..
وفي الشط .. خيط اقصور ..
لبيت ومره صغار ..
جفت حروف الما ..
وباقي في صدري الملح ..
قومي إغسلي سفري ..
إن طال بي الترحال ..
كل المواني احبال ..
تربطني بعيونك ..
وشلون أنا اخونك ..
وأنتي اللي وحدك لي ..


((أول الناس))

اول الناس انتي .. وكلهم ..
وآخر اللي عيوني .. تملهم ..
لو تحبيني .. هذا يكفيني ..
اسكني عيني .. ونامي ..
انتي يانوري .. وظلامي ..
ياقمرهم .. كلهم ..
أعدل الناس .. وازينهم خجل ..
واغلى من الناس .. في وقت الزعل ..
واجمل اللي حصل لي .. وماحصل ..
لو تحبيني .. هذا يكفيني ..



مابه احد غيري يابنت.. احبابك سروا..
لاتسأليني تغيروا.. يمكن نسوا او مادروا..
ياحلوتي ضاع الوعد.. وباكر بعد..
مري على دروب الجراح.. وتلقين احد غيري..

بالله لاتبكين عندي.. والى رحتي سوى اللي تبين
مالك عزى.. فـ قلبي الحزين
محتار انا اسكت.. ومدري ايش اقول
لاني سبب جرحك.. ولاعندي الحلول
لكن ابوصيك بصبر.. لابد للغايب عذر
وياحلوتي ضاع الوعد.. وباكر بعد...
مري على دروب الجراح.. وتلقين احد غيري


غطي سنا خدك بشال الليل..
وغيبي ياشمس اللي ضيها لغيري..
اه .. لو تعرفي وش كثر انا احبك.. لو كنتي تدري بي
ياعيونها السود.. مابه احد موجود.. غيري انا الموعود
جرحي.. وتعذيبي..
ياحلوتي ضاع الوعد.. وباكر بعد...
مري على دروب الجراح.. وتلقين احد غيري...


( اوقات )

أوقات ياخذنا الحكي ..
وننسى بالحكي أوقات ..
واوقات .. يا ليت الكلام سكات ..
يجرحنا الحكي ..
اسهر .. مع حبيبي .. يا قمر الكلام ..
لين يغفى حبيبي .. وجروحي تنام ..
ابعد عن حروفي .. وعن المي وخوفي ..
وابحر في سفينه .. عن بحر الظلام ..
وصلنامدينه .. من عطر وغمام
انا وين القى كلام .. ما مر فــ كلام
اوقات .. يا ليت الكلام سكات ..
يجرحنا الحكي ..
بغني لعيونك .. في حزني وفرحي
وبكتب عيونك .. قصيده لجرحي
واخلي ابتسامك .. دموعك كلامك
قمر هالسوالف في ليل السكوت ..
ولو الف نجمه في عيني تموت ..
في حزني أحبك .. ويأسي أحبك ..


أضمي

ضمي مَلامح صورته ..
ضميه .. لعله يفيق ..
يَشهق .. أو يَردّ النَّفسْ ..
ضمّيه لعَله حبس ..
صٌوته .. رعشة عرٌوقه ..
وخيم حزين الصمت فُوقه ..
مات .. مات
من قبل ما يكتب له فـ قٌربك حياة ..
من لبسه ثوب البياض ..
من سبل عيٌونه ..
مسح غبرة جبينه ..
وش يفيد ..
اللي زرع نصلٍ حديد ..
في قلبه الطيّب نسى ..
قولي عسى .. ما تلمحي ..
فـ طرف ثُوبك له دما ..
يا خٌوفتي .. اللي سبح في نهرك الجَارف ..
غد اموته ظما ..
ضمّي ملامح صورته ..
ضمّيه لعله يفيق ..
يشهق أو يرد النفس ..
صوته جرس ..
ينحب على بوابة الليل ..
يوقظ خدر جرحك ..
يتل من عينك احبال الدّمع
ضمّيه لعله سمع ..
انك تحبينه ..
ولا ..قلتي تحبيه ..
ولا .. قلتي تحبيه ..
-_______________________________________--:Woo:
واتمنى ان تنال اعجابكم

__________________

ليت ربي ماكتب لحظة وداع ولا فراق ولادموع ولاضياع
وليت كل الناس خل مع خليل كل ماقيل النهايه بين الاحباب الرحيلقلت احبه حيل
كل مادفن خيالك ياعنيدتمطرالدمعه وتنبت من جديد
شفت وش سوى بي حبك يابخيل
لونويت اعاتبك القى الكلام يعتذرلي منك ويلوم الملام
والقى حتى كلمة احبك قليل

سلمتي عزيزتي على الطرح الرائع

في انتظار ماتقدمينه من جديد

__________________

اول الناس انتي .. وكلهم ..
وآخر اللي عيوني .. تملهم ..
لو تحبيني .. هذا يكفيني ..
اسكني عيني .. ونامي ..



يعطيك العافيه على الاختيار الرائع للنصوص الرائعة للشاعر الامير /بدر بن عبد المحسن

__________________

شاكره لكم المرور

__________________

ليت ربي ماكتب لحظة وداع ولا فراق ولادموع ولاضياع
وليت كل الناس خل مع خليل كل ماقيل النهايه بين الاحباب الرحيلقلت احبه حيل
كل مادفن خيالك ياعنيدتمطرالدمعه وتنبت من جديد
شفت وش سوى بي حبك يابخيل
لونويت اعاتبك القى الكلام يعتذرلي منك ويلوم الملام
والقى حتى كلمة احبك قليل