مثل جرح لبس فيني ثياب جداد
مثل حتى المطر حبك يجي فجأه
بلا ميعاد
يجيني في سكون الليل
يجيني وين؟؟يجيني مثل نجم سهيل
عيونه تحضن عيوني
وقلبه صاير لي مهاد
نعم مره
نعم ثنتين
نعم الفين
نعم مليووووووووون
احبك لويصير الكون
حسود وعاذل مجنون
احبك ..ليش؟؟؟
لا تسأل
احبك لانك الاجمل
بعيني يابعد عيني
ابيك العشق باوراقي
ابيك الحرف
ابيك تكون لي مدادي
ابيك الناس
ابيك احساس
ابيك تكون لي معنى
وابي احياه واقعنا
يامشغلني وانا توي اعرفك (تو)
انا ودي تشيل من عالمي ها (لو)
تكون اقرب من عروقي الى عروقي
وتصبح ضحكة شروقي
وكل اللي تبي بي (سو)
نعم والله ابي حبك
واحلف اني انا احبك
ولكن بيننا حاجز
وخوف وبرد
وعالم همها دايم
تدوس الورد
انا روحك
انا بوحك
انا اللي في هواك اهيم
وابني عالي صروحك
انا صدقك
وانا ظنك
وانا المكتوب في دنياك
وغيري مادرى عنك
انا بسمه علت سنك
انا تاج الوفا المحسوس
وطوق العاشق الملبوس
وزهره مشرده بالريح
تبي تلمك
تبي الدنيا تكون عيون
وانت النون
...(وتضمك)....
ياقطرة ماي
انا لي راي في حبك
يقول انك لقلبي مزون
روت كل العطش فيني
نبت بارضي ثمر حبك
شجر تين
وشجر ليمون
وصار الجمر في كفي
مواسم زهرها يكفي
ربيع وصيف
وريشه وسيف
وصار حبك بعد شفي
وكتبك ساكنه رفي
نعم اهواك
نعم اهواك
نعم اهواك واظن الحب مايكفي
لانه عاجز ومسكين
لانه مسطره وسكين
لواحد ماعرف هالحب الا الحين
لواحد ماجرى دمه بقلبه
لين هو شافك
وصرت النبض بعروقه
وصرت الارض
وصرت الجو بعيونه
وصرت الضي
ياسدره وفي
نعم مره
نعم ثنتين
نعم الفين
نعم مليون انا احبك
احبك واقتل الحاجز
وادف الخوف
وادفي بردي العاجز
واهديك
رغم انف الزمن قلبي
واحـــــبــــــــــــــك
06-19-2008, 04:00 AM
نعم 2000
رد: نعم 2000
المواضيع المتشابهه
العرض العادي
