هذه الطفله المعجزه التي خرجت من فوهها هذي الكلمات التعبيريه القويه التي يبكي من أجلها الصخر

بعد ما توفت امها وهي بسن الطفوله

وإليكم

ما قالته في امها


يـــمـــه ..
تكفين اسمعيني ...
يمـه بسألك شي ..
جاوبيني ..
هو صحيح اللي مات
داخل القبر يصير حي ...؟؟؟
يــمـــه ...
أسمع أنــا صوتك ..
كل يوم اسمعه ..
وإذا حاكيتك هاوشوني ..
قالوا انسي ..
روحي يالله العبي .... !!
يمه تعالي ارجعي ...
والله خلاص بسمع كلامك ..
ما اخرب العابي ..
وان قلتي يالله ..
روحي نامي ..
أروح حتى ماتزعلي ..
يمه تكفين ارجعي ..
اليوم حطت لي المديره ..
نجمه من فوق جبهتي ..
يمه سمعتها تقول..
مسكينه هالبنت صارت يتيمه ..
قالت لها ابله منيره ..
مسكينه توها صغيره ..
وش كانوا يقصدون ..؟
يمكن عشاني صرت عاقله ..
ولا عشاني دايم اسرح
يمه مريولي توسخ ..
ماكان قصدي اوسخه ...
بس تذكرت انك تقولي ..
بعد شهرين..
بشتري لك لبس ثاني ..
يمـه تعالي اشتري ...
يمـه عرفتي مها ..؟
صديقتي اللي معي ..
زاعلتني ..
تقول ماصرت انا اضحّـكها
راحت تدور غيري
عشان تلقى احد يونسهـا
يــمــه
يالله خلاص لاتمزحي
يالله قومي
تعالي معي للبيت ارجعي
يمه يمممه
نسيت شي ..
بقولك ترى بيتنا صار فاضي ..
ماحد يجينا ..
وكل اللي فيه انا واخواني ..
ليه وين أقاربنا ..؟؟
وين خالتي ..
اللي كانت تجينا ...
يمممه قوومي يالله تعالي ..
تكفين يالله تعالي ..
ماودي ارجع لحالي
والله خايفه ..
ترى أمس جيتك ..
مارديتي ..
حسبتك نــايمه ..
أو أقولك ..
خلاص خلاص ..
انا بجيك بكرى ..
إذا راحوا من هنا الناس ..
تكفين يمه بكرى اصحي ..
تكفين يمه بكرى ارجعي ..


منقول لعيونكم

__________________

__________________

الله يسلمك
مشكورهـ، على تواجدكـ، الدائمـ،

حنين الله يسامحك اثرتي فيني بها الابيات الرائعه والله عيني دمعت

مشكوره والله يعطيكي العافيه وبانتظار جديدك الرائع

__________________

للمشاركه في قسم اسرار البنات

يرجى مراسلتي برساله خاصه والقسم للبنات فقط

يسلموو على مرورك يالغلا
والله لايحرمك من غالي

كلام احزنني بس ما اقول غير الله يعيننا على الفراق والهجران

__________________

شقاوي الله لايحرمك من غالي وعزيز عليك
شاكره لك مرورك الذي عطر صفحتي