لعنبو قصة غرام كل ابوها كلمتين
ابتدينا عند احبك وانتهينا عند باي


تونا مامشينا فالهوى لوخطوتين
وانتها الموضوع كله حتى ماعرف وش خطاي


وانتهت قصّة حياتي بكل سهوله تحكمين
وين احبك؟وين اريدك؟وين ساكن في حشاي


يمكن انك ماوفيتي يوم جيتي تعشقين
ويمكن انك تحسبيني بتبعك من دون راي


ويمكن أصلا ماعشقتي بس كنتي تلعبين
ويمكن انك ماوصلتي في هواك لمستواي


ويمكن اني ماعرفتك فالحقيقه وش تبين
ويمكن اني خنت نفسي..يوم اعطيتك وفاي


علميني فالهوى ياجاهله وش تعرفين
تعرفين انك غديتي (شي)يجري في دماي


علميني فالعطاء والتضحيه وش تفهمين
لعنبو حبك عشانك بعت اقرب اقرباي


كنت احطك في عيوني تسرحين وتمرحين
كنت اشيل هموم قلبك وارمي همومي وراي


كنت اطير من السعاده يوم اشوفك تضحكين
كنت ذايب في هواااك مثل سكر وسط مااي


كنت نايم فالعسل وارسم من الفرحه سنين
كنت اظنك قلب عاشق ماسكن وسطه سواي


ماوعيت الاوانتي في خفوقي تطعنين
ماوعيت الاوسيفك بالحشا..رايح وجااي


وردة ايه والله ورده بس عرفتي تجرحين
كل شي فيني جريح الا فخامة كبرياي


ما تأثرت بغيابك ويش يعني دمعتين
بكره انسى صدقيني وارجع بكامل قواي


ادري ان حنا افترقنا بس ابفهم حاجتين
علميني وش كسبتي؟علميني وش خطاي؟


اصلا الموضوع كله ما تعدى كلمتين

التقينا عند ( احبك ) وانتهينا عند ( باي)

ودمتم بود

مذهــــــــــله

__________________

__________________

الله يسلمك

منور لي الصفحه

تحياتي لك

__________________

مشكوره مذهله ابيات جدا رائعه

__________________

للمشاركه في قسم اسرار البنات

يرجى مراسلتي برساله خاصه والقسم للبنات فقط

روعه اختي ابيات قمه بالروعه

سلمت ايديك وماننحرم يارب

__________________

شاكره لكم وجودكم

تحياتي لكم

__________________

بسم الله الرحمن الرحيم
السلام عليكم ورحمة الله وبركاته


شـكــ وبارك الله فيك ـــرا لك ... لك مني أجمل تحية .

__________________

كل الشكر لوجودك

تحياتي لك

__________________